УИХ-ын гишүүн Б.Пүрэвдорж Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулийн төслийг өргөн мэдүүлсэн. Хууль санаачлагч төслөө УИХ-ын Хууль зүйн байнгын хорооны хуралдаанд танилцуулжээ. 

УИХ-ын гишүүн Б.Пүрэвдорж, Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хууль 1998 онд батлагдаж, Монгол Улсад улс төрийн хилс хэрэгт хэлмэгдэгсдийг цагаатгаж, нэр төрийг сэргээж, тэдэнд нөхөн олговор олгосон. Энэ хугацаанд 31661 хүний хэргийг цагаатгаж, нэр төрийг сэргээн, 931 хүнд 43.7 тэрбум төгрөгийн нөхөн олговор олгох шийдвэр гарсан байна. Нөхөн олговрыг хэлмэгчид өөрт нь, түүний эхнэр болон нөхөр, төрсөн болон үрчилж авсан хүүхэд, төрсөн эцэг, эх, ах, эгч, дүү, ач, зээ нарынх нь нэхэмжлэлээр олгож ирсэн. 

2020 оны 12-р сарын 31-ний өдрөөс өмнө цагаатгагдсан иргэдийн хувьд цагаатгасан шийдвэр хүлээж авсан өдрөөс хойш гурван жилийн хугацаанд байна гэж зааснаас үүдэн хэлмэгдэгсдийн гэр бүлийн гишүүн 24 хүн, төрсөн болон үрчилж авсан 27 хүн нэхэмжлэл гаргаж, нөхөн олговор авч чадалгүй хоцорсон байна.

Энэ хуульд 13 удаа нэмэлт өөрчлөлт орсноос тав нь хуулийн хүрээнд нэхэмжлэл авах хугацааг сунгах өөрчлөлтүүд байсан. Өнөөдрийн байдлаар 43 хүн энэ хуульд хамрагдахгүй үлдэж, нэхэмжлэл гаргах боломжгүй болоод байна. Тиймээс хуульд өөрчлөлт оруулснаар 43 иргэнд нөхөн олговор олгох асуудал бүрэн шийдэгдэх юм.