Сүү ХК-ийн эх орондоо үйлдвэрлэж буй PROVITA йогурт бүтээгдэхүүн “Улаанбаатар Түншлэл–2026” хүнсний салбарын олон улсын үзэсгэлэнгийн үеэр “Импортыг орлох шилдэг бүтээгдэхүүн” номинацийн ялагчаар шалгарч, Зохион байгуулах хорооны цом, Хүндэт өргөмжлөл хүртлээ.

Монгол Улсын сүү, сүүн бүтээгдэхүүний салбарын йогуртын зах зээл олон жилийн турш импортын бүтээгдэхүүнээс ихээхэн хамааралтай байж ирсэн билээ. Тухайлбал, хэрэглэгчдийн худалдан авсан 10 бүтээгдэхүүн тутмын ес орчим нь импортын бүтээгдэхүүн байжээ. 

Энэхүү зах зээлийн хэрэгцээг үндэсний үйлдвэрлэлээр хангах зорилгоор Сүү ХК 2025 оны гуравдугаар сард PROVITA йогуртыг зах зээлд нэвтрүүлсэн бөгөөд өнөөдөр импортын бүтээгдэхүүнийг амжилттай орлох дотоодын брэнд болон хөгжиж байна.

PROVITA йогуртын гол онцлог нь дэлхийд алдартай Италийн Sacco System компанийн боловсруулсан SYNBIO 100 ашигтай бактерийг агуулдагт оршдог. Энэхүү пробиотик нь гэдэсний бичил орчны тэнцвэрийг хадгалах, хоол боловсруулалтыг дэмжих, дархлааны тогтолцооны үйл ажиллагаанд эерэгээр нөлөөлөх ач холбогдолтой.

Түүнчлэн, бүтээгдэхүүнд Польш улсын Zentis брэндийн жимсний мөхлөгийг ашигласнаар хэрэглэгчдэд амт, чанарын өндөр түвшний сонголтыг санал болгож байгаа бөгөөд дотооддоо үйлдвэрлэгддэг тул өглөө бүр шинэхнээрээ худалдааны цэгүүдэд хүргэгдэж, хэрэглэгчдэд хамгийн шинэхэн бүтээгдэхүүнийг санал болгодог билээ.