“Айчи Нагоя 2026” Азийн наадмын буудлагын тэмцээн өнөөдөр/2026.09.20/ эхэллээ. Эхний өдөр эмэгтэйчүүдийн 10 метрийн урт бууны ганцаарчилсан болон багийн төрөл өрнөж байна. 

Монголын тамирчдаас Г.Нандинзаяа, О.Есүгэн, О.Мөнхзул нар өрсөлдөнө. “Шар тивийн олимп” хэмээн нэрлэгддэг Азийн спортын зуны XX наадам Япон улсын Нагояа хотод албан ёсоор нээлтээ хийлээ. Хоёр сая гаруй хүн амтай Нагояа хотын спортын цэнгэлдэх хүрээлэнд болсон нээлтэд Азийн 45 Үндэсний олимпын хорооны төлөөлөл оролцож, 11 мянга гаруй тамирчин 43 спортын 71 төрлөөр нийт 469 багц медалийн төлөө өрсөлдөнө. 

Энэ удаагийн наадам “Imagine One Asia” буюу “Нэгдмэл Азийг төсөөлцгөөе” уриан дор болж байна. Монгол Улс 31 төрөлд өрсөлдөхөөр мэдүүлгээ өгсөн. 

Эх сурвалж: Монголын үндэсний олимпын хороо 

Триатлоны эмэгтэйчүүдийн өрсөлдөөнд нийт 29 тамирчин гараанаас гарсны дунд Монгол Улсыг төлөөлөн Ганбаатарын Номуунаа, Цогийн Аяс нар уралдлаа. Манай тамирчид замаа бүрэн дуусгаж чадалгүй тэмцээнээ өндөрлүүллээ.

Энэ жилийн триатлоны ДАШТ-ий цувралд Ази тивийн тамирчдаас хамгийн өндөр амжилтыг үзүүлж, нутагтаа зохиогдсон Вэйхэйн гараанд 4 дүгээр байр эзлээд байсан БНХАУ-ын Анчи Хуан алтан медаль хүртэх хамгийн өндөр магадлалтай гэгдэж байсан ч түүний нутаг нэгт, энэ улирлын ДАШТ-ий цуврал, Вэйхэйн гарааны 9 дүгээр байрын эзэн, “Ханжоу-2022” Азийн наадмын дэд аварга Шинюү Лин аваргаллаа. 

Харин Анчи Хуан дэд байр эзэлж, эзэн орон Японы Манами Хаяаши хүрэл медаль хүртлээ.
Фото: М.Мөнхзул, Б.Ирмүүн

“АЙЧИ НАГОЯА-2026”: УСАНД СЭЛЭЛТИЙН ТАМИРЧИД ТЭМЦЭЭНЭЭ ҮРГЭЛЖЛҮҮЛЖ БАЙНА 🏊‍♂️🏊‍♀️
Азийн наадмын усанд сэлэлтийн тэмцээний эхний өдөр эмэгтэйчүүдийн 200 метрийн далайн гахай сэлэлтийн төрөлд шигшээ багийн тамирчид өрсөлдлөө. Энэ төрөлд Э.Цолмон 3:41.96, Б.Амун 2:53.98 секундын амжилт үзүүлэн уралдсан байна.
Харин эрэгтэйчүүдийн 200 метрийн холимог сэлэлтийн төрөлд Х.Цэлмэг 2:24.24, Э.Энхмэнд 2:13.21 секундын амжилт үзүүлжээ.

Эрэгтэйчүүдийн 100 метрийн өврөөр даллах сэлэлтийн төрөлд Б.Энхтамир 50.67 секундын амжилтаар 22 дугаар байр эзэлж, Монгол Улсын рекорд амжилтыг шинэчлэн тогтоолоо. Харин шигшээ багийн тамирчин Э.Нинжин 53.41 секундын амжилтаар 32 дугаар байрт орлоо. Тус төрөлд нийт 43 тамирчин өрсөлджээ. Мөн эрэгтэйчүүдийн 100 метрийн араар даллах сэлэлтийн төрөлд:
🔹 Х.Цэлмэг – 1:05.41
🔹 О.Жонон – 1:05.91
Эмэгтэйчүүдийн 50 метрийн мэлхий сэлэлтийн төрөлд:
🔹 Б.Номин-Эрдэнэ – 35.58
🔹 Б.Марал – 34.88 секундын амжилт үзүүлэн өрсөлдлөө.

Эх сурвалж: МУСХ, Фото: Ч.Ганбат 

“Айчи Нагояа-2026” Азийн зуны XX наадмын дугуйн спортын засмал замын эмэгтэйчүүдийн ганцаарчилсан цуваа уралдаанд спортын мастер Г.Энхжин 40:11.18 минутын амжилтаар 9 дүгээр байрт шалгарлаа. Эрэгтэйчүүдийн засмал замын ганцаарчилсан цуваа уралдаан Улаанбаатарын цагаар 12:00 цагт эхэлнэ. ОУХМ С.Жамбалжамц Азийн чансааны хоёрдугаарт бичигдэж байгаа бөгөөд 14:00 цагт гараанаас гарна.

Эрэгтэйчүүдийн уралдаанд манай улсаас Ганбаатарын Амарсанаа өрсөлдлөө. Энэ төрөлд нийт 33 тамирчин уралдаж, харамсалтай нь манай тамирчин зайгаа дуусгаж чадсангүй. "Айчи Нагояа-2026” Азийн наадмын триатлоны анхны алтан медалийн эзнээр Японы тамирчин Такуми Хожо тодорлоо. Ингэснээр сүүлийн 4 Азийн наадам дараалан энэ төрөлд босоо байгаа Япончуудын ялалтын цуврал энэ удаад ч үргэлжиллээ. Фото: М.Мөнхзул, Б.Ирмүүн (MSPU)