Цагдаагийн байгууллагад энэ оны есдүгээр сарын 15-ны өдөр “Хүн хутгалуулсан байна” гэх дуудлага, мэдээлэл бүртгэгджээ.

Уг дуудлага, мэдээллийн дагуу шалгалтын ажиллагаа явуулахад 28 настай, эрэгтэй “Г” нь 47 настай, эрэгтэй “М”-тэй автомашины зогсоол булаалдан маргалдаж, улмаар гарын хэсэгт нь хутгалж гэмтээсэн байна.

Иймд цагдаагийн байгууллагаас иргэдийг аливаа асуудлыг уур бухимдлаар бус, харилцан ойлголцож, тайван замаар шийдвэрлэхийг анхаарууллаа.