Засгийн газрын өнөөдрийн хуралдаанаар Ерөнхий сайд Н.Учрал Хууль зүй, дотоод хэргийн сайд С.Амарсайханыг үүрэгт ажлаас нь чөлөөлөх шийдвэр гаргасан. Мөн ойрын өдрүүдэд улстөрчид болон хүчний байгууллагын удирдлагуудын дараалан хийсэн мэдэгдэлтэй холбоотойгоор нэр нь яригдаж буй ХЗДХЯ-ны харьяа байгууллагуудын дээд, дунд шатны бүх удирдлагуудыг үүрэгт ажлаас нь чөлөөлөх чиглэл өгсөн юм.

Ерөнхий сайд хуулиар олгосон бүрэн эрхийн хүрээнд өөрийн томилсон танхимын сайдыг чөлөөлсөн. Харин хүчний байгууллагуудын удирдлагыг Хууль зүй, дотоод хэргийн сайд нь томилох, чөлөөлөх эрхтэй.

Тиймээс Хууль зүй, дотоод хэргийн дараагийн сайд томилогдсоны дараа хүчний байгууллагын удирдлагуудыг чөлөөлнө. 

Ерөнхий сайд танхимын дараагийн сайдыг нэр дэвшүүлж, Ерөнхийлөгчтэй зөвшилцсөний дараа УИХ-д нэрийг нь өргөн мэдүүлнэ. Шинэ сайд УИХ-д тангараг өргөснөөр бүрэн эрхээ хэрэгжүүлж эхэлнэ.