Монгол Улс, Оросын Холбооны Улсын бүс нутаг хоорондын эдийн засгийн хамтын ажиллагааг өргөжүүлэх, худалдаа, хөрөнгө оруулалт, тээвэр, логистик, хил орчмын хамтын ажиллагааны чиглэлээр харилцан ашигтай төсөл, хөтөлбөрийг хэрэгжүүлэх боломжийг нэмэгдүүлэх зорилготой “Монгол-Оросын бүс нутгийн хоёрдугаар чуулга уулзалт” 2026 оны есдүгээр сарын 14-15-ны өдрүүдэд Улаанбаатар хотноо зохион байгуулагдлаа.

Энэ чуулга уулзалтын үеэр ОХУ-ын Засгийн газрын орлогч дарга А.Л.Оверчукт үг хэлэхдээ Монгол Улсын хүсэлтийн дагуу ОХУ хөнгөлөлттэй үнээр газрын тос нийлүүлж байгаа гэдгийг онцолжээ.

"Монгол Улс бол ОХУ-ын худалдааны чухал түншүүдийн нэг бөгөөд манай улсын хувьд бие даасан зах зээл төдийгүй транзит улс, мөн түүхэн уламжлалт ойрын хөршийн хувьд чухал ач холбогдолтой юм. Манай хоёр орны худалдаа эргэлт аажмаар өсөж байна" хэмээн А.Л.Оверчук мэдэгдсэн байна.

Түүнчлэн хоёр талын хамтын ажиллагаа бүхий л салбарт хөгжиж байгааг онцолжээ.

"Орос-Монголын харилцаа бүхий л салбарт хөгжиж байна. ОХУ Монгол Улс руу түлш, шатах, тослох материал нийлүүлсээр ирсэн. Газрын тосны бүтээгдэхүүнийг хөнгөлөлттэй үнээр нийлүүлэхтэй холбоотой монгол нөхдийнхөө хүсэлтийг бид үргэлж хүлээж авдаг" хэмээн ОХУ-ын Засгийн газрын орлогч дарга А.Л.Оверчук мэдэгджээ.

Эх сурвалж: Российская газета, ШУА-ийн Олон улс судлалын хүрээлэн