Төсвийн байнгын хорооны хуралдааны үеэр УИХ-ын гишүүн Г.Ганбаатар “Гэрт ойр сургууль хамгийн сайн сургууль” бодлогын төсөвтэй холбоотой асуулт асуулаа.

Тэрбээр “2024 оны төсвийн жишгээр 320 хүүхдийн суудалтай 10 сургууль барих мөнгөөр энэ бодлогыг хэрэгжүүлэх юм. Энэ бодлогод жил бүр 50, 100 тэрбум төгрөг төсөвлөх юм уу? Ирэх жил төсөв нь батлагдахгүй бол энэ хөтөлбөрт хамрагдсан хүүхдүүд яах вэ?” хэмээн асуув.

Үүнд Боловсролын сайд Л.Энх-Амгалан  “Гэрт ойр сургууль хамгийн сайн сургууль” бодлогын төсөвт аль нэг хувийн сургуульд мөнгө өгөх асуудал байхгүй гэв. 

Тэрбээр “Өнөөдрийн ханшаар 650 хүүхдийн сургууль 6-7 тэрбум төгрөгөөр баригдаж байна. 50 тэрбум төгрөгийг дан ганц энэ бодлогод зарцуулахгүй. Үүний 18 тэрбум төгрөгийг нэгдүгээр ангийн хүүхдүүдийн анги, танхим тохижуулах болон сурах бичигт зарцуулна. Мөн сургууль, цэцэрлэгийн барилгыг өргөтгөх ажилд зарцуулна” гэв.

Мөн "одоогоор 180 сургууль, 95 цэцэрлэг шинээр шаардлагатай байгааг хэлээд, эдгээрийг барихад улсын төсвөөс 2.4 их наяд төгрөг, урсгал зардалд нь 300-400 тэрбум төгрөг шаардлагатай, үндсэндээ 30-40 тэрбум төгрөгөөр 40-50 мянган хүүхдийн асуудлыг шийдэж байна” гэж тайлбарлалаа