Зуны XXXIV наадам 2028 онд Лос-Анжелес хотод зохиогдох юм.

Олимп, паралимпын наадамд оролцох үндэсний шигшээ багийн бэлтгэл ажлыг удирдлага, зохион байгуулалтаар хангах Үндэсний хорооны анхдугаар хуралдаан өнөөдөр /2026.09.11/ боллоо. Үндэсний шигшээ багийн үйл ажиллагаа, олимпын наадмын тухай мэдээллийг хэлэлцсэн юм.

Эрх авах тэмцээнд оролцох, бэлтгэл сургалтыг хангахад зарцуулах зардал, тамирчид, дасгалжуулагчдын цалинг 2027 оны улсын төсвийг хэлэлцэх үеэр нэмж тусгах, холбогдох арга хэмжээ авахыг холбогдох сайд нарт даалгалаа. 

Японы Айчи Нагоя хотноо энэ оны ес, аравдугаар сард болох Азийн XX наадам, Азийн пара V наадамд оролцох тамирчдын хоол, байрын зардалд санхүүгийн дэмжлэг үзүүлэхийг үүрэг болголоо. 

Зуны олимп 2028 оны долоодугаар сарын 14-нд нээлтээ хийж, 30-ны өдөр хүртэл үргэлжилнэ. Паралимп наймдугаар сарын 15-27-ны өдрүүдэд болох юм.

Лос-Анжелес хотод 1932, 1984 онд зуны олимпыг зохион байгуулжээ. 2028 онд гурав дахь удаа хүн төрөлхтний их баяр цэнгэлийн наадмыг бүтээснээр түүхэн хот болох юм.

Эх сурвалж: Засгийн газар