Улс төрийн хилс хэрэгт хэлмэгдэгсдийн дурсгалыг хүндэтгэх өдөр өнөөдөр (2026.09.10) тохиож байна. Монгол Улсын Ерөнхий сайд Н.Учрал, УИХ-ын гишүүд, хэлмэгдэгсдийн үр хүүхэд, төрөл төрөгсдийн хамт хэлмэгдэгсдийн хөшөөнд цэцэг өргөж, хүндэтгэл үзүүллээ.  

Энэ үеэр Монгол Улсын долоо болон арав дахь Ерөнхий сайд Агданбуугийн Амарын ач хүү Ч.Нэргүй Ерөнхий сайд Н.Учралтай уулзав. 

Тэрбээр, Эрдэнэтэд А.Амар сайдын нэрэмжит талбайг Засгийн газрын нөөц хөрөнгөөр тохижуулж өгсөнд талархсанаа илэрхийлээд, энэ жил мэндэлсний 140 жилийн ойг тэмдэглэх Засгийн газрын тогтоол гарах болов уу, яах бол? 11-р сард байх болов уу? гэв. 

Ерөнхий сайд Н.Учрал, Та надад саналаа хэлээрэй. Ойг тэмдэглэх тогтоол гаргана аа. Ойн хүрээнд зохион байгуулах арга хэмжээний төлөвлөгөө гаргаж, хамтарч ажиллая гэлээ.