Говь-Алтай аймгийн Зэвсэгт хүчний алба хаагчдын 50 айлын орон сууцны барилгын ажлын явж байна.

Улсын төсвийн хөрөнгө оруулалтаар баригдаж буй тус орон сууц нь 5.9 тэрбум төгрөгийн санхүүжилттэй бөгөөд гүйцэтгэл 96% -тай явагдаж байна. 

Одоо ажиллаж байгаа болон орон нутагт шинээр томилогдон очиж буй залуу офицер, ахлагчдад ажлын байрнаас гадна гэр бүлтэйгээ тогтвортой амьдрах нөхцөл хамгийн чухал. 

Иймд алба хаагчдын орон сууцны асуудлыг шийдвэрлэх нь хүний нөөцийн нөхөн хангалтыг сайжруулах, мэргэшсэн алба хаагчдыг орон нутагт тогтвор суурьшилтай ажиллуулах бодит хөшүүрэг гэж үзээд байна. 

Барилгын ажлыг төлөвлөсөн хугацаанд чанартай дуусгаж, алба хаагчид, тэдний гэр бүлд тав тухтай, аюулгүй орчин бүрдүүлэн хүлээлгэн өгөх барилгын гүйцэтгэгчээр Зэвсэгт хүчний 340-р ангийн алба хаагчид ажиллаж байна.