АҮЭБЯ-ны Төрийн нарийн бичгийн дарга Б.Дашпүрэв шатахууны штабын хуралдааны мэдээллийг хүргэж байна. Тэрээр, "ОХУ-аас үргэлжлүүлэн газрын тос авахаар гэрээгээ үргэлжлүүлэн хийж байна. Энэ сарын захиалга баталгаажсан. Манай улс дээд тал нь  42 хоногийн газрын тосны бүтээгдэхүүний нөөц бүрдүүлэх боломжтой.

Бусад улсад гурван сарын нөөц бүрдүүлдэг. Иймд 300 мянган метр куб газрын тос агуулах сав барьж байна. Энэ онд 150 мянган м.кубын савнуудыг ашиглалтад оруулна. 2028 он гэхэд гурван сарын хэрэглээгээ хангах хэмжээний нөөцтэй болно. Ингэснээр газрын тосны үнэ өсөхөд нөөцөөсөө ашигладаг болно" гэв.               

Өнгөрсөн 24 цагт Улаанбаатар хотын 96 шатахуун түгээх станцад 1037 тонн, орон нутгийн 65 шатахуун түгээх станц руу 800 мянган тонн бүтээгдэхүүн ачив. 79 вагон цистерн буюу 4740 тонн АИ-92 буулгахад бэлэн болсон. 

Газрын тосны бүтээгдэхүүний нийлүүлэлт саатаж, үнэ огцом өсөх эрсдэл үүссэн. Иймд бид Сингапур, Малайз, Япон улсуудаас урд хилээр мөн татан авав боломжийг судлав.