Нэгдүгээр ангийн сургалтын хөтөлбөр шинэчлэгдсэнтэй холбоотойгоор сурах бичгийн нийлүүлэлтийг ирэх сарын 1 гэхэд 100 хувь хангахаар ажиллаж байгаа талаар Боловсролын ерөнхий газраас мэдээллээ.

I-XII ангийнхны сурах бичгийг хэвлэх, түгээх ажлын багц тендерийг гурван тэрбумаар зарласан. Нийт сурах бичигт хуваавал нэг сурах бичгийг ойролцоогоор 4000-5000 төгрөгөөр үнэлжээ.

Боловсролын ерөнхий газрын дарга Х.Тамир "II-V ангийн сургалт өмнөх жилийн хөтөлбөрөөр үргэлжилж байгаа тул сурах бичгийн нөөц хангалттай бий. Сургууль бүрийн сурагчдын тоо жил бүр харилцан адилгүй байдаг тул сурах бичгийн хүрэлцээ муу байгаа сургуулиудад нөөцөөс шилжүүлэн хуваарилна" хэмээн мэдэгдлээ.

VI- XII ангийн сурах бичгийн түрээсийн нөөц нийт хэрэгцээний 71 хувийг хангах боломжтой гэсэн тооцоо гарчээ.