Монгол Улсын иргэн “Үндсэн хууль”-аар олгогдсон эрхийнхээ хүрээнд аюулгүй, амар тайван орчинд амьдарч чадаж байгаа эсэх монгол хүний амьдралын чанарт гарч байгаа өөрчлөлт нь нийгмийн орчин, амьдрах нөхцөл, гэмт хэрэгт өртөх эрсдэлээс хэрхэн хамаарч байгаа зэрэг нөхцөл байдлыг "Иргэдийн аюулгүй байдлын судалгаа"-ны хүрээнд голчлон судална.

Судалгаанд улсын хэмжээнд санамсаргүй түүврийн аргаар сонгогдсон 4620 өрхийг хамруулна. 

Судалгааны мэдээлэл цуглуулах хугацаа: 2026 оны 9 дүгээр сарын 2-оос 11 дүгээр сарын 10-ны өдрийг дуустал 

Судалгааны зорилго: 

• Хүн амын амьдрах орчин, гэмт хэрэгт өртөх эрсдэлийг тодорхойлох
• Иргэдийн аюулгүй байдлын талаарх ойлголтыг судлах 
• Нуугдмал гэмт хэргийн талаарх суурь мэдээллийг бий болгох 

Судалгаатай холбоотой мэдээлэл авахыг хүсвэл 7015-1212, 51-262325 утсаар хандах боломжтой. 

Эх сурвалж: ҮСХ