ОХУ Киев хотын баруун хэсэгт байрлах агуулахад томоохон цохилт өгсөн талаар Украины Ерөнхийлөгч Володимир Зеленьский  мэдээллээ.

Халдлага өнгөрсөн баасан гаригийн шөнө болсон бөгөөд тэсрэх бөмбөг, зэвсэг хадгалж байсан агуулахад хүчтэй дэлбэрэлтүүд болж, гал гарчээ. Улмаар гал түймэр ойролцоох тосгоны байшин, барилгууд руу тархсан байна.

Аврагчид халдлага болсон газарт гал унтраахын зэрэгцээ тэсрэх бодис, зэвсгийг илрүүлж, аюулгүй болгох ажиллагааг үргэлжлүүлж байна.

Мөн халдлагын улмаас дор хаяж 52 хүн шархдаж, дөрвөн хүн ор сураггүй алга болсон бөгөөд 38 хүний амь нас эрсджээ.

Уг халдлага нь дайн эхэлснээс хойш энэ оны хамгийн олон хүний аминд хүрсэн халдлага болоод байна.

Зеленский Мыла тосгонд болсон халдлагыг “аймшигтай нөхцөл байдал” гэж тодорхойллоо. Тэрээр хүмүүсийн амьдардаг газартай маш ойрхон тэсрэх бодис хадгалсан нь “хайхрамжгүй үйлдэл” гэв.

Тэсрэх бөмбөг, зэвсгийг яагаад тосгонтой ойр газар хадгалж байсныг тогтоохоор мөрдөн шалгалт эхэлжээ.

Мөн уг халдлага Украины агаарын довтолгооноос хамгаалах системд ихээхэн дарамт учруулж, энгийн иргэдийг олон цагаар түгшүүртэй байдалд оруулж байгаа аж.

Эх сурвалж: AP News