АНУ-ын Walt Disney компани болон түүний эзэмшдэг ABC телевизийн сүлжээ холбооны зохицуулах байгууллага болох Холбооны Харилцаа Холбооны Комисс (FCC)-ийг шүүхэд өгч, ABC-ийн найман телевизийн сувгийн өргөн нэвтрүүлгийн лицензийг эрт хугацаанд дахин хянаж буйг зогсоохыг шаардлаа.

Энэхүү хэрэг нь АНУ-ын Засгийн газрын зохицуулах эрх мэдэл болон хэвлэлийн эрх чөлөөний хоорондын заагийг тодорхойлох чухал шүүхийн маргаан болж магадгүй байна.

Дисней наймдугаар сарын 18-нд Вашингтон дахь холбооны шүүхэд гаргасан нэхэмжлэлдээ FCC-ийн үйл ажиллагааг АНУ-ын Үндсэн хуулиар баталгаажсан үзэл бодлоо илэрхийлэх, хэвлэлийн эрх чөлөөнд халдсан улс төрийн дарамт хэмээн үзжээ.

FCC энэ оны эхээр ABC-ийн Нью-Йорк, Лос-Анжелес, Сан-Франциско, Чикаго, Филадельфи, Хьюстон зэрэг хот дахь найман телевизийн лицензийг ердийн хугацаанаас нь хэдэн жилийн өмнө хянаж эхэлсэн байна. Тус байгууллага уг шалгалтыг ABC-ийн олон талт байдал, тэгш байдал, хүртээмжтэй холбоотой бодлого, хөдөлмөрийн практикт ялгаварлан гадуурхалт байгаа эсэхийг шалгах зорилготой гэж тайлбарлаж байгаа юм.

Ерөнхийлөгчийг шүүмжилсэн нэвтрүүлэг, мэдээллийн агуулгад удаа дараа дургүйцлээ илэрхийлж, телевизийн лицензийг цуцлах талаар хүртэл ярьж байсан гэв

Харин Disney болон ABC уг шалгалтыг Дональд Трампын засаг захиргааны улс төрийн дарамтын нэг хэсэг гэж үзэж байна. Тэдний тайлбарласнаар Трамп болон түүний холбоотнууд ABC-ийн редакцын бодлого, түүний дотор Ерөнхийлөгчийг шүүмжилсэн нэвтрүүлэг, мэдээллийн агуулгад удаа дараа дургүйцлээ илэрхийлж, телевизийн лицензийг цуцлах талаар хүртэл ярьж байсан нь FCC-ийн одоогийн үйл ажиллагаатай холбоотой байна.

Энэхүү хэрэг нь АНУ-ын Засгийн газрын зохицуулах эрх мэдэл болон хэвлэлийн эрх чөлөөний хоорондын заагийг тодорхойлох чухал шүүхийн маргаан болж магадгүй байна. Мөн төрийн байгууллага телевизийн лицензийн зохицуулалтыг ашиглан хэвлэл мэдээллийн байгууллагын редакцын шийдвэрт нөлөөлж болох эсэх талаар томоохон хууль зүйн жишиг тогтоох төлөвтэй байна.

Эх сурвалж: CNN