Монгол Улсын Шинжлэх ухааны академи, Дэлхийн шилдэг их дээд сургуулийн 14-д бичигддэг Цинхуа их сургуультай хамтарсан судалгааны төв нээжээ. Ингэснээр хүн болон мал, амьтны вакциныг үйлдвэрлэх технологи, залуу мэргэжилтнүүд хоорондоо туршлага солилцох боломж нээгдэж байгаа юм.

Судалгааны төвийн нээлтэд БНХАУ-ын ШУА-ийн академич, Хэбэй их сургууль, БНХАУ-ын ШУА-ийн Амьдралын ухааны хүрээлэнгийн ректор Кан Лэ, Мембран биологийн улсын түлхүүр лабораторийн захирал, Цинхуа их сургуулийн Амьдралын ухааны сургуулийн профессор Ю Ли, Бээжингийн их сургуулийн Дэвшилтэт хөдөө аж ахуйн шинжлэх ухааны хүрээлэнгийн дэд захирал, тэргүүлэх судлаач Сү Диндин,  Walvax Bio technology-ийн ахлах зөвлөх Эндрю Вон, “Де” группийн судлаач Иден Цаи нар хүрэлцэн иржээ.

Судалгааны төв  Шинжлэх ухааны академийн шинэ байранд байрлаж байна.

Эх сурвалж: ХХААХҮ яам