Олон улсын хүнсний аюулгүй байдлын байгууллагууд (International Food Safety Authorities Network буюу)ын сүлжээний мэдээлснээр дараах үйлдвэрлэгчийн цувралын дугаар бүхий Морингагийн навчны нунтаг агуулсан хүнсний нэмэлт бүтээгдэхүүнээс Сальмонелла нян илэрчээ. Иймд АНУ-ын Хүнс эмийн агентлаг болон Өвчний Хяналт сэргийлэлтийн төвөөс эргүүлэн татаж байна.

Уг эргүүлэн татаж буй Live it Up, Why Not Natural, Doctor's Pride, TNVitamins гэсэн дөрвөн брэндийн хүнсний нэмэлт бүтээгдэхүүнүүдийг Amazon, TikTok Shop, Shein, eBay зэрэг олон улсын онлайн худалдааны сувгаар нийт 80 орчим улсад худалдаалдаг.

Иймд иргэд та бүхэн онлайнаар эдгээр үйлдвэрлэгчийн, тодорхой цувралын дугаартай бүтээгдэхүүнийг захиалан авахгүй байхыг анхааруулж байна. Эдгээр бүтээгдэхүүнийг авч хэрэглээд суулгах, халуурах, хэвлийгээр базалж өвдөх шинж тэмдэг илэрсэн бол ХӨСҮТ-ийн 100 дугаарын утсанд хандан зөвлөгөө авна уу. 

Эх сурвалж: Эрүүл мэндийн яам