Ховд аймагт бүртгэгдсэн тарваган тахлын хүний өвчлөлийн батлагдсан тохиолдлын 1-р хавьталд тооцогдсон 12 иргэний PCR шинжилгээний хариу сөрөг гарсан талаар холбогдох байгууллагаас мэдээллээ.

Гэсэн хэдий ч тарваган тахал нь хүний амь насанд аюултай халдварт өвчин учраас иргэдийг сонор сэрэмжээ алдахгүй байхыг анхааруулж байна.

Иймд тарвага агнах, барих, өвчих, тарваганы мах болон түүхий эдийг хэрэглэх зэрэг халдвар авах эрсдэлтэй үйлдлээс татгалзаж, тарваган тахлаас урьдчилан сэргийлэх зөвлөмжийг чанд мөрдөхийг мэргэжлийн байгууллагаас зөвлөлөө.

Мөн халуурах, булчирхай томрох зэрэг сэжигтэй шинж тэмдэг илэрсэн тохиолдолд өөрийгөө тусгаарлаж, яаралтай эрүүл мэндийн байгууллагад хандан үзлэг, шинжилгээнд хамрагдахыг зөвлөж байна.