Өнгөрч буй долоо хоногийн онцлох үйл явдлууд юу байв? Хэн, юу хэлэв?   

ОНЦЛОХ ҮЙЛ ЯВДЛУУД 

НӨАТ-ын босго 50 саяас 400 сая төгрөг боллоо

УИХ-ын 2026 оны хаврын ээлжит чуулганы нэгдсэн хуралдаанаар /2026.06.18/ Засгийн газраас өргөн мэдүүлсэн Татварын тухай хуульд нэмэлт өөрчлөлт оруулах тухай хуулийн төсөл болон дагалдан өргөн мэдүүлсэн хуулийн төслийн эцсийн хэлэлцүүлгийг хийв. Улмаар нийт гишүүдийн 79.1 хувийн саналаар дэмжлээ.

Хуулийн төсөлд тусгасан НӨАТ төлөгчийн босгыг 50 саяас 400 сая болгож нэмэгдүүлэх заалтыг Засгийн газраас орж ирсэн саналаар нь дэмжив. Хуулийн өөрчлөлт 2027 оны долоодугаар сарын 1-нээс хэрэгжинэ. Ингэснээр 23 мянган жижиг бизнес эрхлэгч энэ хуулийн өгөөжийг хүртэж, бизнесээ тэлэх боломжтой.

Замын хөдөлгөөний аюулгүй байдлын тухай хуулийг УИХ баталсан. Энэ хууль ирэх сарын 01-нээс хэрэгжиж эхэлнэ. Хуульд нийтийн хэрэгцээний мопед, түүний төрөлд хамаарах скүүтер, тэдгээртэй адилтгах үзүүлэлт бүхий тээврийн хэрэгслийн үйлчилгээний хяналт, зохицуулалтын бүлэг нэмжээ.

Хуульд скүүтер, мопедоор үйлчилгээ эрхлэгчийн болон зорчигчийн үүргийг нарийвчлан заасан тул  төрийн байгууллагууд, хувийн хэвшлийнхэн хамтран яаралтайгаар хуулийн бэлтгэл ажлыг хангах шаардлагатай болж, Скүүтер, мопедоор үйлчилгээ эрхлэгчдийн үйл ажиллагааг түр зогсооно гэв.

Монголын эрчим хүч, геологи, уул уурхайн үйлдвэрчний эвлэлийн холбооноос эрчим хүчний салбарт ажил хаялт зарлах болсон талаараа мэдээллээ. 

Тодруулбал энэ салбарынхан ажил олгогч Эрчим хүчний яамтай цалин нэмүүлэх асуудлаар урт хугацаанд хэлэлцэж байгаа ч тохиролцоонд хүрч чадахгүй байгаа гэв. Улмаар 2026 оны зургаадугаар сарын 30-ны өдрийн 8 цагаас ажил хаялтыг эхлүүлнэ гэсэн мэдээллийг өглөө. 

Нийслэлийн ерөнхий архитектор асан Ч.Төгсдэлгэрийг АТГ шалгаж байна. Мөн түүний нөхөр болох Б.Өсөхбаярыг энэ сарын 17-нд цагдан хорьжээ. Нийслэлийн Засаг даргын захирамжаар Z үеийн төлөөлөл Чинбатын Төгсдэлгэрийг Улаанбаатар хотын Ерөнхий архитектороор томилсноо хотын дарга Х.Нямбаатар 2024.08.08-нд танилцуулсан юм.

САНАЛ БОЛГОХ НИЙТЛЭЛҮҮД 


 

Ураны үйлдвэр 2028 оны сүүлээр ашиглалтад орно. Үүнээс өмнө үйлдвэрийн дэд бүтцийг барьсан байх ёстой. Зөөвч-Овоо уурхайг Улаанбадрах сумтай холбох авто замын  нээлт мөн давхар болов. Нийт 110 км урт энэ замыг орон нутгийн хоёр компани (“Замын битум”, “Аргалант транс” ХХК) барих юм байна. 

110кв-ын 105км урт цахилгаан дамжуулах шугамыг “Энх-Өглөө” компани барина гэв. Мөн 300 хүний хүчин чадалтай хээрийн ангийг өнгөрсөн нэгдүгээр сард Хөрөнгө оруулалтын гэрээг байгуулсны дараа барьжээ. Хээрийн ангийг 1000 хүний багтаамжтай болгон өргөтгөх боломжтой. Энэ мэтээр Гурван баяны хөндийд бэлтгэл ажлууд ид өрнөж байна.   

Улсын сургуулиудын усан бассейны сарын төлбөр 72-130 мянган төгрөг байна
Сүүлийн жилүүдэд голын усанд иргэд, тэр дундаа бага насны хүүхдүүд жив амь эрстэх явдал гарсаар буй. Тухайлбал улсын хэмжээнд өнгөрсөн зун гол усны 98 осол гарч, 85 иргэн амь насаа алдсан гэх тоог ОБЕГ-аас мэдээлсэн. Тэдгээр иргэний 14 нь хүүхэд байжээ.

Хүүхдүүдийг бага наснаас нь усанд сэлэх суурь чадвартай, усанд осолдохоос урьдчилан сэргийлэх мэдлэгтэй болгож өсгөх нь чухал болов.

Усанд сэлж сурна гэдэг хүүхдийн хувьд зөвхөн спорт, хобби биш. Энэ бол алтан амийг нь хамгаалах, насан туршийнх нь  хичээл, амьд үлдэх чадвар юм. Бид хүүхдүүдээ бага наснаас нь усанд сэлэх суурьтай болгон өсгөхгүй бол зун болгон голын эрэг дээрээс харамсалтай дуудлага хүлээн авсаар, ОБЕГ-ын статистик тоог уншаад халагласаар суух болно. 

Улсын сургуулиудын усан бассейн  хэрхэн ажилладаг, сургалтад нь бүртгүүлэхийн тулд юу бүрдүүлэх шаардлагатай талаарх сурвалжилгыг эндээс уншина уу.

САНАЛ БОЛГОХ ЯРИЛЦЛАГУУД 

Н.Мандуул: Зуухаа дулааны насосоор орлуулаад гал түлэхгүйгээр өвөлжиж болохыг туршиж баталсан

2025-2026 оны галлагааны улиралд Чингэлтэй дүүргийн агаарын бохирдол өндөртэй бүсийн 300 өрхөд “Eco heat pump” буюу эрчим хүчний хэмнэлттэй дулааны насос суурилуулсан байна. Санхүүжилтийг Голомт банкнаас шийдвэрлэсэн бол, айл өрхүүдэд суурилуулах, заавар зөвлөгөө өгөх ажлыг “Эко Сквер Энержи” ХХК гүйцэтгэжээ.

Эерэг үр дүнд хүрсэн энэ ажлын талаар Чингэлтэй дүүргийн Засаг дарга Н.Мандуултай сэтгүүлч Г.Тэгшсүрэн ярилцлаа.

Хөл бөмбөгийн ДАШТ2026 үргэлжилж бaйна. Бид та бүхэнд тоглолт бүрийн дараах товч мэдээг Ройтерс агентлагийн албан ёсны эрхтэй гэрэл зургуудын хамт шуурхай хүргэж байна. 

Амралтын өдрүүдийн тоглолтын хуваарь