Өнөөдрийн УИХ-ын чуулганаар дараах асуудлыг хэлэлцэнэ. 

1. Хөгжлийн бодлого төлөвлөлт, түүний удирдлагын тухай хуульд нэмэлт оруулах тухай хуулийн төсөл /Хөдөө аж ахуйн тухай хуулийн төсөлтэй холбогдуулан боловсруулсан , анхны хэлэлцүүлэг , асуулт асуух хугацаа 60 минут/
2. Уур амьсгалын өөрчлөлтийн тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2026.05.21-ний өдөр өргөн мэдүүлсэн, анхны хэлэлцүүлэг , асуулт асуух хугацаа 60 минут/
3. Ойн тухай хууль /Шинэчилсэн найруулга/-ийн төсөл болон хамт өргөн мэдүүлсэн хууль, тогтоолын төслүүд /УИХ-ын гишүүн Б.Бат-Эрдэнэ нарын 18 гишүүн 2026.06.04 -ний өдөр өргөн мэдүүлсэн, хэлэлцэх эсэх , асуулт асуух хугацаа 60 минут/
4. Монгол Улсын 2025 оны нэгдсэн төсвийн гүйцэтгэл, Засгийн газрын 2025 оны санхүүгийн нэгтгэсэн тайлан болон “Монгол Улсын 2025 оны төсвийн гүйцэтгэл батлах тухай” Улсын Их Хурлын тогтоолын төсөл /Засгийн газар 2026.06.17-ны өдөр өргөн мэдүүлсэн/
5. Тамхины хяналтын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд /УИХ-ын гишүүн О.Номинчимэг нарын 72 гишүүн 2025.09.19-ний өдөр өргөн мэдүүлсэн, анхны хэлэлцүүлэг, асуулт асуух хугацаа 60 мин/
6. Эмнэлгийн тусламж, үйлчилгээний тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд /УИХ-ын гишүүн Д.Ганмаа нарын 46 гишүүн 2026.05.29-ний өдөр өргөн мэдүүлсэн, хэлэлцэх эсэх , асуулт асуух хугацаа 60 минут/
7. Төрийн нууцын тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд /Засгийн газар 2026.03.18-ны өдөр өргөн мэдүүлсэн, хэлэлцэх эсэх , асуулт асуух хугацаа 60 минут/
8. Төрийн нууцын жагсаалт батлах тухай хуул ийн төсөл /Засгийн газар 2026.03.18-ны өдөр өргөн мэдүүлсэн, хэлэлцэх эсэх , асуулт асуух хугацаа 60 минут/
9. Төрийн нууцын тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд /УИХ-ын гишүүн О.Цогтгэрэл нарын 18 гишүүн 2026.04.14-ний өдөр өргөн мэдүүлсэн, хэлэлцэх эсэх , асуулт асуух хугацаа 60 минут/
10. “Хянан шалгах түр хороо байгуулах тухай” Улсын Их Хурлын тогтоолын төсөл /УИХ-ын гишүүн Ц.Баатархүү нарын 35 гишүүн 2025.11.07-ны өдөр өргөн мэдүүлсэн/

УИХ-ын гишүүн Ц.Баатархүү: 
Монгол улсын цөлжилтийг бууруулахыг УИХ дэмждэг, дэмжих ч ёстой. Гэхдээ энэ хуульд Ойгоо хамгаалъя, ойн баялгаа ашиглая гээд бүх зүйлийг зөвшөөрлийн тухай хууль руу оруулаад байгаа маш ойлгомжгүй харилцаа үүсгэх эрсдэлтэй харагдаж байна. 

Жишээ нь, хуш модны самарыг ямар ч зөвшөөрөлгүйгээр дураараа ашиглах, хэрэглэх боломжийг нээх эрсдэлтэй байна. Малгай хуульдаа хариуцлагын, ойг хамгаалах заалт оруулахгүй бол зөвхөн ойг баялаг гэж үзээд ашиглах эрхийг нээж өгсөн хууль болжээ. 

Тиймээс баялаг нь багасаж байгаа ойн модоо зөв эргэлтэд оруулж ашиглах нь чухал юм. Хоёрдугаарт, нэг зүйл дутуу байна. Ойн сав газарт амьдарч байгаа амьтдын нүүн шилжих, ус уух цэгүүд, экологийн коридорыг гаргаж өгөх заалт энд алга. Мэдээж мал амьтны хуульд тусгаж байгаа байх, гэхдээ малгай хуульд байхгүй байна. 

Гуравдугаарт, иргэдийн оролцоотой мод тарьж ургуулбал түүнийг хэрхэн баялаг гэж үзэх вэ, иргэдийн оролцоог хэрхэн нэмэх, хангах вэ?

Хуулийн төсөл санаачлагч, УИХ-ын гишүүн Б.Бат-Эрдэнэ: 
Зөвшөөрлийн тухай хуулийг огт хөндөөгүй. Хуш модны самар ч бас зөвшөөрлийн харилцаагаар шийдэгдэнэ. Дунд ургацын жилд зөвхөн ахуйн зориулалтаар, их ургацын жилд аль ч зориулалтаар ашиглахыг зөвшөөрнө гэсэн зохицуулалтын харилцааг оруулж өгснөөс өөр зүйлгүй. Иргэдэд илүү хялбар болгож байгаа. Тээвэрлэлтийг цахимжуулж, ойжуулалтын санг бий болгож байна. Таримал ой бий болгож буй иргэн, ААН хэн ч бай тухайн ойд хүлэмжийн хийн зах зээлээс орж ирэх мөнгөн дүнг баталгаажуулна. Амьтдын тухайд Ойн тухай хууль, Тусгай хамгаалалтын газар нутгийн тухай хуулиар хамгаалагдана.