“Эрдэнэс Монгол” нэгдлийн шинэчлэл, бүтцийн өөрчлөлтийн талаар авах арга хэмжээний тухай Засгийн газрын тогтоолыг өнөөдөр баталлаа. -“Эрдэнэс Монгол”-ын нэрийг “Чингис хаан баялгийн сан нэгдэл” ХХК гэж өөрчлөв.

“Чингис хаан баялгийн сан нэгдэл” нь,

• Баялгийн сангийн орлогыг төвлөрүүлэхийн тулд том төслүүдийг удирдах
• Хуримтлалын сангийн өгөөжийг нэмэгдүүлэх чиг үүргийг хэрэгжүүлэх
• Уурхай бус баялаг удирдах, төрийн өмчийн үнэ цэнийг өсгөх, баялаг бүтээх ажлыг хийх юм.

Сангийн яамны ажлын хэсэг баялгийн сангийн бэлтгэлийг хангаж, 1 багц болгож, улмаар менежментийг нь Олон улсын хөрөнгө оруулалтын менежментийн компанид шилжүүлэх ажлыг зохион байгуулах үүргийг Ерөнхий сайд Н.Учрал өгөв.