Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
... дүүргийн татварын хэлтсийн ажилтанд 20 сая төгрөгийн хахууль санал болгож, улмаар 5,500 ам.доллар ширээн дээр нь үлдээн гарсан иргэн Я.Г-д шүүхээс 3 сая төгрөгийн торгууль ногдуулжээ.
Хэргийн талаар шүүхийн шийдвэрт дурдсанаар, татварын шалгалтаар “...” компанийн ажилтан нь орлогыг байгууллагын дансаар бус хувь хүний эзэмшлийн дансаар хүлээн авч, төлбөрийн баримт олгодоггүй зөрчил илэрсэн байна. Улмаар татварын байгууллагаас зөрчлийн хэрэг нээн шалгаж эхэлжээ.
Энэ үеэр иргэн Я.Г татварын улсын байцаагчид 20 сая төгрөг өгөхөөр санал болгосон бөгөөд дараа нь 5,500 ам.долларыг ажлын өрөөнд нь үлдээн гарсан байна. Албан тушаалтан уг мөнгийг хүлээн авахаас татгалзаж, Авлигатай тэмцэх газарт мэдэгдэн шилжүүлжээ.
Дугтуйг нээгээд үзтэл 100 дэвсгэрийн 55 ширхэг буюу 5.500 ам.доллар байсан.
Энэ талаар гэрч буюу татварын хэлтсийн ажилтан “Зөрчил шалган шийдвэрлэх ажиллагаа явуулж байх үед Я.Г нь миний ажлын ширээн дээр цагаан дугтуйтай зүйл тавиад гарах гэхээр нь би үүнийг нь авахаас татгалзаж хүрмийнх нь халаасанд хийсэн. Тэгтэл дахин дугтуйтай зүйлээ ширээн дээр тавьчхаад бараг зугтаагаад гараад явсан.
Дугтуйг нээгээд үзтэл 100 дэвсгэрийн 55 ширхэг буюу 5.500 ам.доллар байсан тул Авлигатай тэмцэх газарт мэдэгдэж, Я.Г-ийн үйлдлийн талаар гараараа өргөдөл бичээд мөнгийг Авлигатай тэмцэх газар руу явуулсан" гэж мэдүүлжээ.
Харин шүүгдэгч Я.Г мөрдөн шалгах ажиллагааны үеэр “Компанийн орлогыг хувь дансаараа авсан асуудлаас болж буруудах вий гэж айсандаа мөнгийг ширээн дээр нь үлдээгээд гарсан” хэмээн мэдүүлсэн байна.
Нийслэлийн Прокурорын газрын хяналтын прокуророос Я.Г-ийн үйлдлийг Эрүүгийн хуулийн 22.5 дугаар зүйлийн 1 дэх хэсэгт зааснаар зүйлчилж яллах дүгнэлт үйлдэн, хэргийг шүүхэд шилжүүлжээ.
Шүүхээс түүнийг Эрүүгийн хуулийн 22.5 дугаар зүйлийн 1 дэх хэсэгт заасан “Хахууль өгөх” гэмт хэргийг үргэлжилсэн үйлдлээр үйлдсэн гэм буруутайд тооцож, нийтийн албанд ажиллах эрхийг гурван жилийн хугацаагаар хасаж, 3 сая төгрөгөөр торгох ял оногдуулжээ. Мөн эд мөрийн баримтаар хураасан 5,500 ам.долларыг улсын орлого болгохоор шийдвэрлэсэн байна.
Эх сурвалж: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн шийтгэх тогтоол.
... дүүргийн татварын хэлтсийн ажилтанд 20 сая төгрөгийн хахууль санал болгож, улмаар 5,500 ам.доллар ширээн дээр нь үлдээн гарсан иргэн Я.Г-д шүүхээс 3 сая төгрөгийн торгууль ногдуулжээ.
Хэргийн талаар шүүхийн шийдвэрт дурдсанаар, татварын шалгалтаар “...” компанийн ажилтан нь орлогыг байгууллагын дансаар бус хувь хүний эзэмшлийн дансаар хүлээн авч, төлбөрийн баримт олгодоггүй зөрчил илэрсэн байна. Улмаар татварын байгууллагаас зөрчлийн хэрэг нээн шалгаж эхэлжээ.
Энэ үеэр иргэн Я.Г татварын улсын байцаагчид 20 сая төгрөг өгөхөөр санал болгосон бөгөөд дараа нь 5,500 ам.долларыг ажлын өрөөнд нь үлдээн гарсан байна. Албан тушаалтан уг мөнгийг хүлээн авахаас татгалзаж, Авлигатай тэмцэх газарт мэдэгдэн шилжүүлжээ.
Дугтуйг нээгээд үзтэл 100 дэвсгэрийн 55 ширхэг буюу 5.500 ам.доллар байсан.
Энэ талаар гэрч буюу татварын хэлтсийн ажилтан “Зөрчил шалган шийдвэрлэх ажиллагаа явуулж байх үед Я.Г нь миний ажлын ширээн дээр цагаан дугтуйтай зүйл тавиад гарах гэхээр нь би үүнийг нь авахаас татгалзаж хүрмийнх нь халаасанд хийсэн. Тэгтэл дахин дугтуйтай зүйлээ ширээн дээр тавьчхаад бараг зугтаагаад гараад явсан.
Дугтуйг нээгээд үзтэл 100 дэвсгэрийн 55 ширхэг буюу 5.500 ам.доллар байсан тул Авлигатай тэмцэх газарт мэдэгдэж, Я.Г-ийн үйлдлийн талаар гараараа өргөдөл бичээд мөнгийг Авлигатай тэмцэх газар руу явуулсан" гэж мэдүүлжээ.
Харин шүүгдэгч Я.Г мөрдөн шалгах ажиллагааны үеэр “Компанийн орлогыг хувь дансаараа авсан асуудлаас болж буруудах вий гэж айсандаа мөнгийг ширээн дээр нь үлдээгээд гарсан” хэмээн мэдүүлсэн байна.
Нийслэлийн Прокурорын газрын хяналтын прокуророос Я.Г-ийн үйлдлийг Эрүүгийн хуулийн 22.5 дугаар зүйлийн 1 дэх хэсэгт зааснаар зүйлчилж яллах дүгнэлт үйлдэн, хэргийг шүүхэд шилжүүлжээ.
Шүүхээс түүнийг Эрүүгийн хуулийн 22.5 дугаар зүйлийн 1 дэх хэсэгт заасан “Хахууль өгөх” гэмт хэргийг үргэлжилсэн үйлдлээр үйлдсэн гэм буруутайд тооцож, нийтийн албанд ажиллах эрхийг гурван жилийн хугацаагаар хасаж, 3 сая төгрөгөөр торгох ял оногдуулжээ. Мөн эд мөрийн баримтаар хураасан 5,500 ам.долларыг улсын орлого болгохоор шийдвэрлэсэн байна.
Эх сурвалж: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн шийтгэх тогтоол.