НҮБ-ын Ерөнхий Асамблейн 54 дүгээр чуулганы 54/115 тоот тогтоолын хүрээнд Шри Ланка болон Тайланд Улсын Байнгын төлөөлөгчийн газраас жил бүр “Бурхан багшийн их дүйчин өдөр”-ийг тохиолдуулан хүндэтгэлийн арга хэмжээг НҮБ-ын төв байранд зохион байгуулдаг.

Энэ жилийн арга хэмжээнд НҮБ-ын Ерөнхий нарийн бичгийн дарга тэргүүтэй төлөөлөгчид болон Бутан, Вьетнам, Монгол, Мьянмар, Балба, Киргиз, Лаос, Индонез, Пакистан, ОХУ, Cингапур, Филиппин, Энэтхэг, Япон зэрэг улсын Байнгын төлөөлөгчид Бурхан багшийн айлдсан сургаал, үнэт зүйлийн талаар танилцуулж, үг хэлэв.

Байнгын төлөөлөгч Н.Анхбаяр, Бурхан багшийн энэрэн нигүүлсэхүй, хүч үл хэрэглэх, энх тайвнаар зэрэгцэн орших зэрэг сургааль нь улс орнууд, ард түмнүүдийн хоорондын яриа хэлэлцээ, харилцан ойлголцол, эв нэгдлийг бэхжүүлэхэд чиглүүлэгч үнэт зарчим.

Бурхан багшийн их дүйчин өдрийг тэмдэглэх нь энх тайван, хүний эрхэм чанар, эв санааны нэгдлийг дэмжих олон улсын хамтын нийгэмлэгийн нийтлэг ёс суртахууны хариуцлагыг НҮБ-ын Дүрмийн зорилго, зарчимтай уялдуулан нэмэгдүүлэхийн ач холбогдлыг сануулж буй арга хэмжээ болохыг онцлон тэмдэглэв.