Аргентины шигшээ багийн дасгалжуулагч Лионел Скалони Лионел Мессиг дараагийн ДАШТ-д оролцох хэрэгтэй гэжээ.

Лионел Месси Францыг хожсон тоглолтын дараа зодог тайлахгүй бөгөөд дэлхийн аваргын хуваарь цөөнгүй тоглолтод оролцмоор буйгаа илэрхийлсэн.

Харин дасгалжуулагч Лионел Скалони "Месси дараагийн ДАШТ-д оролцох хэрэгтэй. Хэрвээ тэр үргэлжлүүлэн тоглосоор байвал 10 дугаар үргэлж түүнийх байх болно" хэмээн ярьсан байна.

Өдгөө 35 настай Лионел Месси 2026 онд Америк тивд болох ДАШТ-ий үеэр 39 настай байх юм. Дэлхийн аваргад оролцсон хамгийн ахмад тоглогч нь 2018 оны ДАШТ-д оролцсон 45 настай Египетийн хаалгач Эссам Эл-Хадари юм.

Хөл бөмбөгт хаалгач болон хамгаалагчид замналынхаа сүүлийн хугацаанд өндөр түвшинд тоглох боломж довтлогчдоос өндөр бий. Учир нь довтлогчдоос гүйлтийн хурд, самбаачлах хугацаа богино байх зэрэг чадвар ихээхэн шаарддаг.

Катарт болсон ДАШТ-ий тухайд талбайд гарсан хамгийн ахмад тоглогч нь 39 настай, Канадын хагас хамгаалагч Атиба Хачинсон байв.