Монголын морин спорт уяачдын холбооны 30 жил, "Их хурд-10" наадамд зориулсан Улс, аймаг, цэрэг,  сумын алдар цолтой 208 бөхийн барилдаан Хүй долоон худагт үргэлжилж байна. 

Бөхийн барилдааны зургаагийн даваанд: 

• Улсын аварга О.Хангай Улсын начин Т.Дүгэрдоржийг
• Улсын заан Б.Бат-Өлзий Аймгийн арслан Д.Алтанцоожийг
  Улсын заан М.Лхагвагэрэл Улсын харцага Э.Дашийг амлан барилдах гэж байна.
• Улсын арслан  Ц.Бямба-Отгон гоц мөргөсөн байна. 

Долоогийн даваанд: 

• Ховд аймгийн Буянт сумын харьяат улсын аварга О.Хангай
• Өвөрхангай аймгийн Төгрөг сумын харьяат улсын арслан Ц.Бямба-Отгон
• Ховд аймгийн Зэрэг сумын харьяат улсын аан Б.Бат-Өлзий
• Завхан аймгийн Яруу сумын харьяат улсын заан М.Лхагвагэрэл нар үлдлээ. 

22.00 цаг: Их хурд-10 наадмын айраг, түрүүний морьдыг цоллож, бай шагналыг гардуулсны дараа 22.00 цагийн орчим долоогийн давааны барилдаан эхэллээ. 

Долоогийн давааны барилдаан 22.00 цагт эхлэв. Аварга О.Хангай арслан Ц.Бямба-Отгоныг амлаж, заан Б.Бат-Өлзий, М.Лхагвагэрэл нар тунаж үлдлээ.

Улсын заан Б.Бат-Өлзий заан М.Лхагвэгэрэлээр, аварга О.Хангай арслан Ц.Бямба-Отгоноор долоо давж, үзүүр түрүүнд үлдлээ.

23.07 цаг: Хүй 7 худагт бороо орж, сэрүүхэн байна. Ховд аймгийн харьяат улсын аварга О.Хангай, Улсын заан Б.Бат-Өлзий нарын барилдаан эхэллээ. Нэгэн цаг үеийн энэ хоёр хүчтэн 23 удаа учраа таарч барилдсанаас аварга 17, заан 7 удаа давжээ. 

23.12 цаг: Ховд аймгийн Буянт сумын харьяат Аварга О.Хангай түрүүлж, Ховд аймгийн Зэрэг сумын харьяат заан Б.Бат-Өлзий үзүүрлэлээ. 

Түрүү бөх 10 сая, үзүүр бөх 8 сая, их шөвгийн дөрөвт үлдсэн хоёр бөх тус бүр 5 сая төгрөгөөр шагнууллаа.