- "Катар 2022" ДАШТ-д оролцох шигшээ багуудын бүрэлдэхүүнийг цувралаар танилцуулъя -

Бельгийн шигшээ баг "Катар 2022" хөл бөмбөгийн ДАШТ-д оролцох шилдэг 26 тоглогчоо зарлалаа. Дасгалжуулагч Роберто Мартинез үндсэн бүрэлдэхүүний 26 тоглогчоос гадна нөөцөд 4 тоглогчийг нэрлэсэн байна.

Бэртэлтэй байгаа Ромелу Лукаку гурав дахь ДАШТ-дээ оролцох бол Кевин Де Брюне, Эден Азар, Тибо Куртуа, Аксел Витсел, Янник Карраско, Тоби Алдервейрелд нар Бельгийн шигшээ багийн алтан үе хэмээгдэж байна.

Нөөцийн дөрвөн тоглогчоор "Shabab Al-Ahli" клубийн хамгаалагч Жейсон Денайер, "AC Milan" клубийн хагас хамгаалагч Алексис Салемакерс, "KRC Genk" клубийн хагас хамгаалагч Брайан Хейнен, "Hertha Berlin" клубийн довтлогч Доди Лукабекио нарыг нэрлэжээ.

Багийн хамгийн ахмад тоглогч нь 35 настай Ян Вертонген, Дрис Мертенс нар бол хамгийн залуу нь 19 настай Зено Дебаст юм. Багийн дундаж нас 27.8 байна.

Энэ 26 тоглогч ДАШТ-ий F хэсэгт Канад, Марокко, Хорватын шигшээ багтай тоглоно.