Нийслэлийн засаг дарга Д.Сумъяабазар Улаанбаатар хотод шинээр хэрэгжүүлж буй LRT төслийн тухай мэдээлэл өглөө.

Тэрээр "Улаанбаатар хотод шинэ тээврийн хэрэгсэл нэвтрүүлэх төслийн ТЭЗҮ гуравдугаар сарын 30-нд бэлэн болно. БНХАУ-ын Төмөр замын зургаадугаар товчоо буюу CREC компани, Монголын UDC компанитай хамтран хэрэгжүүлж буй. Гурван сарын ажлыг нэг сарын дотор шахаж дуусгасан.

2022 оны тавдугаар сарын 15-нд ажил эхэлнэ. 2024 оны тавдугаар сарын 31-нд эхний 21.2 км замыг туршилтын байдлаар ашиглалтад өгөхөөр төлөвлөгөө гаргасан. Төлөвлөгөөг гуравдугаар сарын 24-нд Ерөнхий сайдад танилцуулна.

2023 оны есдүгээр сарын 30-нд суурь төмөр зам, тулгуур байгууламжийг дуусгана. 2023 оны арванхоёрдугаар сарын 31-нд тавцан буюу дээд талын явах тавцанг дуусгана. 2024 оны дөрөвдүгээр сарын 30-нд рес төмөр тавина. 2024 оны тавдугаар сарын 31-нд цахилгааны холболтуудыг хийгээд туршилтын вагоныг явуулах нарийн хуваарьтай ажиллаж байна. Төсөвт дарамт болохгүй байдлаар санхүүгийн гарц шийдэл гаргасан. LRT дээр нэмэгдээд хурдны замын төслийг бэлдэж байна" хэмээв.