3х3 сагсан бөмбөгийн дэлхийн цуврал тэмцээн "Macau 2023" мастерс өнөөдөр эхэлсэн. Тэмцээний урьдчилсан шатнаас өрсөлдсөн Монголын "Ulaanbaatar MMC Energy" баг шөвгийн наймд шалгарлаа.

Д.Дэлгэрням, Марко Дугосия, Стив Сер, Ц.Отгонжаргал нарны бүрэлдэхүүнтэй монгол баг урьдчилсан шатанд Катарын "Doha Expo" багийг 20-17, Филиппиний "Pasig TNT" багийг 22-14 харьцаагаар тус тус хожиж үндсэн тэмцээний D хэсэгт тоглох эрхтэй болсон юм.

• ДОЛООДУГААР САРЫН СПОРТ: CSGO, Dota 2, 3х3-ын мастерсууд
• "Ulaanbaatar MMC Energy" дэлхийн шилдгүүдийг хожиж мастерсын эрх авлаа

Улмаар D хэсгийн тэргүүн баг Хятадын "Beijing"-тэй эхний тоглолтоо хийж 21-11 харьцаагаар хожигдсон бөгөөд хэсгийн сүүлийн тоглолтод Францын "Marseille" багийг 21-19 харьцаагаар хожиж хасагдах шатанд шалгарсан.

Тэд шөвгийн наймд B хэсгийг толгойлсон АНУ-ын Miami багтай маргааш 17:30 цагт тоглоно. Хожвол хагас шигшээ шатанд шалгарна. Хожигдвол тэмцээнээ дуусгана.

Ulaanbaatar MMC Energy багийг Стив Сер одоогоор нийт 16 оноо авсан амжилттай бүх тоглогчдын хоёрдугаар бичигдэж байна.