АНУ-ын Конгрессоор хэлэлцэж байгаа Гуравдагч хөршийн худалдааны хууль энэ оны сүүлээр батлагдах хүлээлттэй байгаа гэж Гадаад харилцааны яам мэдээллээ. Монголд үйлдвэрлэсэн оёмол, сүлжмэл бүтээгдэхүүнийг АНУ-д татваргүй экспортлох боломжийг энэхүү хуулиар олгоно.

Ингэснээр хоёр улсын худалдааг нэмэгдүүлэх, экспорт нэг улс, нэг салбарын бүтээгдэхүүнээс хамаарах хамаарлыг багасгах нөхцөл бүрдэнэ гэж үзэж байгаа юм. Монгол Улс Европын Холбооны "GSP Plus" хөнгөлөлтийн системд хамрагдахдаа 7200 нэр төрлийн бүтээгдэхүүнийг татваргүй экспортлох боломж нээгдсэн ч ердөө 20 орчим нэр төрлийн бараа, бүтээгдэхүүн гаргаж байгаа нь хангалтгүй гэж МҮХАҮТ үзжээ.

Б.Бямбасүрэн