Сая­хан АНУ-ын Чикаго хотын Врукфильдын амьтны хүрээ­лэнд байдаг монгол ингэ бот­голж тэндхийн ажилчдын гайх­шийг багагүй төрүүлжээ.

Энэ амьтны хү­рээлэнд Мон­голын говь нут­гаас аваачсан хоёр бөхт тэмээ ботголсон тохиол­дол гарч байгаагүй болохоор ийн хөл хөс болсон нь арга ч үгүй биз. Нялх ботгоны эх нь дөр­вөн настай дөнжин ингэ юм байна. Нэн ховор тохиолдол гэж болох энэхүү явдал нэ­лээд дуулиан тарьж, Чикаго хотынхон амьт­ны хүрээлэн рүү том багагүй хошуурсаар байгаа аж. Врук­вильдын амьтны хүрээлэнд хоёр бөхт 12 тэмээ байгаа­гийн дөрөв нь ингэ юм байна. “Шинэ тив”-ийнхний анхаар­лыг татах болсон гол шалт­гаан нь Aмерикт төллөж бай­гаа анхны тохиолдол энэ юм. Тэмээ хоёр жилд нэг удаа ботголж үр төлөө өгдөг үржил удаан амьтан гэдгийг сонссон америкчууд нялх ботгыг өхөөр­дөн, хамтдаа зургаа татуулахыг нэр төрийн хэрэг мэт үзэж буй гэнэ. “Монголын тэмээн поло” холбоотой байнгын харил­цаатай байдаг АНУ-ын Вир­жиниа муж улсын иргэн Вилл Том Монголын говиос тэмээ аваачин өсгөж үржүүлснээр тоо толгой нь хоёр жилийн хооронд 28 хүрээд буй юм. Тэрээр Америкт тэмээн полог хөгжүүлэх, бусад муж улсаар тэмээн полотой аялан тоглолт хийхээр төлөвлөөд байгаа юм байна. “Монголын тэмээн поло” холбоо тус амьтны хүрээлэнтэй холбоо­той ажилладаг юм.

Л.Батцэнгэл