#CS2 Шанхай мажорын финалд Team Spirit баг FaZe Clan-ыг хожин түрүүллээ. Donk, shiro тэргүүтнүүд анх удаа мажорын аварга болов.

CS2 (Counter Strike 2)-ын 1,250,000 ам.долларын шагналын сантай "Perfect World Shanghai Major 2024" тэмцээний финалын тоглолт өнөөдөр боллоо.

Хятадын Шанхай хотын "Shanghai Oriental Sports Center"-т 18 мянган үзэгчийн өмнө болсон тоглолтод Оросын "Team Spirit" баг мажорын аварга "FaZe Clan"-ыг 2-1 (Nuke 13-8, Ancient 6-13, Dust II 13-11) харьцаагаар хожиж түрүүллээ.

Залуу авьяастан Данийл "donk" Крышковец, туршлагатай мэргэн бууч Дмитрий "sh1ro" Соколов тэргүүтэй оросууд анх удаа мажорын аварга болов.

• Мажорт түүх бүтээсэн The MongolZ-ын аялал шөвгийн наймаас өндөрлөлөө
• The MongolZ мажорын playoffs-т шалгарсан анхны Ази баг боллоо
• The Mongolz дэлхийн чансааг тэргүүлэгчдийг илүүрхлээ

Харин финалд хүрэх багуудын тэргүүн эгнээнд байгаагүй Фин "karrigan" Андерсен ахлагчтай FaZe Clan хоёр жилийн өмнөх амжилтаа давтах гээд бүтэлгүйдэв. Тэд ийнхүү хоёр мажор дараалан үзүүрлэлээ.

Аваргын цомыг 500 мянган ам.доллар дагалдсан бол дэд байр 170 мянган ам.долларын шагналыг авав.

Финалын тоглолтыг биетээр болон онлайнаар нэгэн зэрэг 1,000,000 гаруй хүн нэгэн зэрэг үзсэн байна.