Эсрэгээрээ төмрийн баяжмалын арилжаа эрчимжиж, эсрэгээрээ 6 дахин өссөн байна.

Уул уурхайн бүтээгдэхүүний биржийн арилжаагаар энэ оны эхний хоёр сард 2.3 сая тонн бүтээгдэхүүнийг 560.8 тэрбум төгрөгөөр арилжсаныг Монголын хөрөнгийн бирж мэдээллээ. Уул уурхайн бүтээгдэхүүн биет хэмжээгээр өмнөх оны мөн үеэс бараг хоёр дахин буурсан бол үнийн дүнгээр дөрөв дахин багассан үзүүлэлттэй байгааг МХБ-ийн статистик мэдээлэл харуулж байна.

Түүнчлэн өмнөх оны мөн үед уул уурхайн биржээр дамжуулан арилжаалагдаж буй бүтээгдэхүүний үнэ дуудлага худалдааны үеэр өсөж байсан бол энэ жилийн хэлцлүүдийн дийлэнх нь үнийн өсөлтгүй байжээ. Өөрөөр хэлбэл энэ нь Монгол Улсын уул уурхайн бүтээгдэхүүний эрэлт багассаныг харуулж байгаа юм.

Нүүрсний арилжаа биет хэмжээгээрээ ойролцоогоор 10 дахин багассан бол эсрэгээрээ төмрийн баяжмалын арилжаа эрчимжиж, 6 дахин өссөн байна.

Үүнээс гадна хоёрдугаар сарын 28-нд биржээр зэсийн баяжмалын арилжаа хийсэн. “Эрдэнэт үйлдвэр” ТӨҮГ-ын  5000 нойтон метр тонн, 4530 хуурай метр тонн 22.35 хувийн агуулгатай зэсийн баяжмалыг 33 тэрбум гаруй төгрөгөөр арилжсаныг МХБ мэдээлсэн. Зэсийн баяжмалыг арилжаа өнгөрсөн оны III улирлаас хойш хийгдээгүй байсан юм.