Өмнөд Солонгост дэгдсэн ойн түймрийн улмаас дөрвөн хүн амиа алдаж, зургаан хүн бэртжээ. Улмаар тус улсад гамшгийн байдал зарлажээ.

Амиа алдсан хүмүүсийн хоёр нь түймрийг унтраахаар ажиллаж байсан гал сөнөөгчид аж. Мөн хоёр хүн сураггүй болсон гэв.

Түймэр баасан гарагт Сөүл хотоос зүүн өмнө зүгт 250 км-ийн зайд орших Санчон дүүргээс эхлэн гарсан байна. 

Өглөөний 8:00 цагийн байдлаар гал сөнөөгчид зүүн өмнөд бүсийн дөрвөн газарт дэгдсэн түймрийг унтраахаар ажиллаж байна.

Одоогоор 8000 гаруй га талбай түймэрт өртөөд байгаа аж.

Ойн түймрийг унтраахаар ажиллаж буй албаныхан 1500 орчим оршин суугчийг түр хорогдох байранд нүүлгэн шилжүүлжээ.

Мөн түймрийн улмаас Өмнөд Солонгосын зүүн өмнөд хэсэгт хэд хэдэн хурдны замын хэсгийг хаасан байна.

Эх сурвалж: АР