УИХ-ын чуулганы нэгдсэн хуралдаан эхэллээ. Хуралдаанаар Засгийн газраас 2024 оны аравдугаар сарын 25-ны өдөр өргөн мэдүүлсэнЦөмийн энергийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг хийж байна. 

Улсын төсвийн хөрөнгө оруулалтаар хайгуул хийсэн бол 51 хувь, гадаадын компанийн хөрөнгө оруулалтаар хайгуул хийсэн бол 34 хувийг төр эзэмшинэ гэсэн заалт бий. Энэ хуулийн өөрчлөлтөөр төр эзэмших 34 хувийг тусгай АМНАТ-аар солих боломжтой гэсэн өөрчлөлтийг хуулийн төсөлд оруулж буй юм.

УИХ-ын гишүүн А.Ундраа, Хуулийн өөрчлөлтийг дэмжиж байна. Бидний хэлэлцэж буй өөрчлөлтийн мөн чанар нь уул уурхайн салбарын олборлолттой холбоотой асуудлыг хөндөж байна.

Цөмийн энергийн асуудлаар дараагийн шатанд ямар арга хэмжээ үргэлжлэх вэ. “Атомын станц барина” гэж Засгийн газрын мөрийн хөтөлбөртөө тусгасан улсын хувьд энэ зорилтынхоо төлөө ямар байдлаар ажиллах вэ? Боловсон хүчний нөөц ямар түвшинд байна, хүний нөөцөө хэрхэн бэлдэх вэ?

Аж үйлдвэр, эрдэс баялгийн сайд Ц.Туваан, Цөмийн энергитэй холбоотой салбарт мэргэжилтний хувьд Ундраа гишүүний оролцоо чухал. ЗГ-ын үйл ажиллагааны хөтөлбөрт тусгасан 14 мега төслийн нэг нь ураны төсөл. Атомын цахилгаан станцын суурь судалгааны ажлыг эхлүүлнэ. Энэ бүхэн цогц асуудал. Хүний нөөцийн хувьд энэ салбартаа зориулж хүмүүсээ бэлтгэх шаардлагатай. Бэлтгэгдсэн боловсон хүчний нас өндөрсөж байна.

УИХ-ын гишүүн Н.Номтойбаяр, Ажлын хэсгээс хууль батлахтай холбоотой зөвлөмж гаргана. Гишүүдийн гаргаж буй санал санаачилга, анхааруулж буй олон заалт бий, энэ бүхнийг нэгтгэн зөвлөмж гаргана. Энэ бол нэг компанид зориулсан хууль биш. Нэг гэрээ, компанид зориулсан хууль биш. Нийтлэг байдлаар үйлчилнэ. Гадныхан энэ чуулганыг синхрон  орчуулгатай үзэж байгаа шүү, гишүүд хэлэх үгэндээ анхаармаар байна.