#DOTA2 Равдангийн "NARMAN" Нармандахын тоглодог "MOUZ" баг хэсэгтээ гурав тэнцэж хоёр хожигдсоноор тэмцээнээс хасагдлаа. Тэд 25,000 ам.долларыг шагнал болгон авсан.

FISSURE-ээс зохиож буй 1 сая ам.долларын шагналын сантай "BetBoom Dacha Belgrade 2024" тэмцээн Сербийн Белград хотод үргэлжилж байна.

Дэлхийн шилдэг 12 баг оролцож буй тэмцээнд Равдангийн "NARMAN" Нармандахын тоглодог "MOUZ" баг оролцсон бөгөөд хэсгийн шатнаас хасагдлаа.

MOUZ хэсгийн шатанд таван удаа тоглохдоо нэг ч хожиж чадаагүй бөгөөд гурав тэнцэж хоёр хожигдсоноор хэсгийн 5-р байр, тэмцээний 9-10-р байрыг эзлэв. Тэд 25 мянган ам.долларыг шагнал болгон авсан.

• Маргааш эхлэх "BetBoom Dacha Belgrade" тэмцээнд Р.Нармандах NARMAN тоглоно
• NARMAN-ы баг Nouns-д хожигдсоноор PGL Wallachia-аас хасагдлаа
• Маргааш эхлэх PGL Wallachia тэмцээнд "NARMAN" Р.Нармандахын MOUZ баг оролцоно

MOUZ багийн тоглолтын үр дүн:

• MOUZ 0-2 BetBoom Team (NARMAN: Phoenix, Clockwerk)
• MOUZ 1-1 Yakult's Brothers (NARMAN: Dark Willow, Skywrath Mage)
• MOUZ 0-2 Tundra Esports (NARMAN: Keeper of the Light, Clockwerk)
• MOUZ 1-1 Talon Esports (NARMAN: Shadow Demon, Clockwerk)
• MOUZ 1-1 Team Liquid (NARMAN: Muerta, Dark Willow)

MOUZ энэ удаагийн тэмцээнд Pos5 байрлалд Жонатан "Bengan" Ханссоны оронд Оросын Александр "Immersion" Хмелевскойг түр орлон тоглуулсан юм.

Сүүлд "PGL Wallachia Season 2" тэмцээний хэсгийн шатнаас хасагдсан MOUZ хоёр дахь том тэмцээнийхээ хэсгийн шатнаас цааш шалгарч чадсангүй.