12-р сарын 16-ны 19.40 цагийн байдлаар Улаанбаатар хотын агаарын бохирдол маш их байгаа тул та гадуур явахдаа амны хаалт зүүгээрэй. Сургууль, цэцэрлэг, албан байгууллага тарж, энэ цагт агаарын бохирдлыг хэмжигч харуулууд ямар үзүүлэлт зааж буйг танилцуулж байна.

Та өөрийн амьдарч, ажиллаж буй байршилд агаарын бохирдол ямар түвшинд байгааг эндээс хараарай. 

ЦУОШГ-ын дэргэдэх агаарын бохирдлыг хэмждэг төхөөрөмжүүдийн хамгийн сүүлийн мэдээ буюу 19.30 цагийн байдлаарх агаарын чанарын мэдээг танилцуулъя.



Нийслэлийн захын гэр хорооллуудад бохирдол хамгийн их байгаа бөгөөд Хайлаастад 19.30 цагийн байдлаар агаарын чанарыг хэмжигч төхөөрөмж 413 буюу “Маш их бохирдолтой” гэх үзүүлэлтийг зааж байна.

“Маш их бохирдолтой” үед:
Хүн бүр гадаа биеийн хүч шаардсан ямар ч төрлийн ажил хийхээс зайлсхийх гэртээ байх хэрэгтэй. Цэвэр агаарт салхинд гарах хэрэгтэй. Архаг хууч өвчтэй хүмүүс даралтаа тогтмол хянах, эмчийн хяналтад байж эмийг хугацаанд нь уух шаардлагатай. Нүүрстөрөгчийн дутуу исэл их хэмжээгээр гаргадаг эх үүсвэр (тухайлбал автозам)-ээс хол байх хэрэгтэй. Мөн амны хаалт зүүхийг зөвлөж байна. 

Мөн Толгойт, Баянхошуу, Таванбуудал, Дамбадаржаад агаар "Их бохирдолтой" буюу 277-375-ыг зааж байна.  
"Их бохирдолтой" үед: 
Зүрх, уушгины архаг өвчтэй болон өндөр настай хүмүүс, хүүхдүүд гадаа биеийн хүчний ямар ч төрлийн ажил хийхээс зайлсхийх, архаг хууч өвчтэй хүмүүс даралтаа тогтмол хянах, эмчийн хяналтад байх, эмийг хугацаанд нь уух шаардлагатай. Мөн цэвэр агаарт салхинд гарах болон амны хаалт зүүх хэрэгтэй.