#Сагсанбөмбөг Ийнхүү Монголын шигшээ баг Японыд хожигдсоноор Гуамтай оноо тэнцэж улмаар бөмбөгний зөрүүгээр хэсэгтээ дөрөвдүгээр байр эзлэн тэмцээнээ дуусгалаа.

Монголын сагсан бөмбөгийн шигшээ баг 2025 оны Азийн аварга шалгаруулах тэмцээний урьдчилсан шатны С хэсэгт Хятад, Япон, Гуамын шигшээ багуудтай багтсан.

Хэсгийн эхний дөрвөн тоглолтдоо хожигдож, хоёр хоногийн өмнө Гуамын шигшээ багийг хожсон монголын баг өнөөдөр хэсгийн шатны сүүлийн тоглолтоо Японы шигшээ багтай талбай дээрээ (Улаанбаатар хотод) хийлээ.

Тоглолтод 79-89 харьцаагаар Японы шигшээ баг хожлоо. Монголын багаас Э.Маргад 14 оноо, 7 самбар, А.Азбаяр 13 оноо, 5 самбар, А.Энхбаясгалан 11 оноо, 7 самбар, Б.Билгүүн 10 оноо, Г.Болор-Эрдэнэ 8 оноо, 8 оновчтой дамжуулалтаар тус тус багаа тэргүүлэв.

• Монголын сагсан бөмбөгийн шигшээ багийн өргөтгөсөн бүрэлдэхүүн
• Сагсан бөмбөгийн шигшээ баг Гуамыг талбайд нь 11 оноогоор хожлоо

Хэсгийн шатанд эхний хоёр байрыг эзэлсэн багууд 2025 оны Азийн АШТ-д шууд оролцох юм. С хэсгийг Хятад тэргүүлж, Японы удаалан Азийн аваргын эрхээ авлаа.

Харин хэсгийн гуравдугаар байрт шалгарсан Гуамын шигшээ баг шалгарч Азийн аваргад оролцох нэмэлт эрхийн төлөө тоглох эрхтэй болов. Тэд сүүлийн тоглолтоо Хятадын шигшээ багтай хийж 78-86 харьцаагаар хожигдсоноор 3-р байраа хадгалж үлдсэн юм.

Грек дасгалжуулагч Василис Фрагкиас болон туслах дасгалжуулагч Цэрэндагвын Азбаяр, Велибор Жегованович нарын сонгосон бүрэлдэхүүн:

1. Амарбаясгалангийн Энхбаясгалан
2. Түмэнбаярын Ууганбаяр
3. Энхбаатарын Саруул-Эрдэнэ
4. Алтангэрэлийн Азбаяр
5. Очирбатын Эрдэнэцогт
6. Ганхуягийн Дөлгөөн
7. Баттүвшингийн Билгүүн
8. Чингэсийн Тэмүүлэн
9. Онолбаатарын Энхбаатар
10. Эрдэнэцэцэгийн Маргад
11. Баатар-Эрдэнийн Барсболд
12. Ганцолмонгийн Болор-Эрдэнэ