• 100 мянган ам.долларын шагналын сантай MESA Nomadic Masters Spring 2024 тэмцээн үргэлжилж байна.
• Тэмцээний гурав дахь өдөр "ATOX Esports" дээд хүснэгтийн финалд "BLEED Esports" багт хожnгдлоо.

MESA (Mongolian Esports Association) буюу Монголын электрон спортын холбооноос зохиож буй CS2 (Counter Strike 2)-ын 100 мянган ам.долларын шагналын сантай "MESA Nomadic Masters Spring 2024" тэмцээн гурав дахь өдрөө үргэлжилж байна.

Монголд зохиогдож буй CS2-ын хамгийн өндөр шагналын сантай уг тэмцээнд Монголын гурав, Хятадын нэг, Оросын 1, Данийн 1, Европын 2 баг оролцож байна.

Өнөөдөр буюу тэмцээний гурав дахь өдрийн эхний тоглолтод "ATOX Esports" дээд хүснэгтийн хагас шигшээд Европын "BLEED Esports" багтай тоглож 2-1 (Inferno 10-13, Anubis 13-9, Ancient 13-6) харьцаагаар хожигдлоо.

• Монголын буучид Европын багуудыг илүүрхлээ
• ЗУРГААДУГААР САРЫН СПОРТ: Европ, Америк тивийн аваргууд тодорно
• The MongolZ 400 мянган ам.долларын шагналын сантай "YaLLa Compass" тэмцээнд уригдлаа

"BLEED Esports" өчигдөр Монголын "Chinggis Warriors" багийг 2-0 (Anubis 13-5, Mirage 19-16) харьцаагаар хожсон бол "ATOX Esports" Европын төлөөлөл "OG" багийг 2-1 (Anubis 8-13, Inferno 13-8, Ancient 13-9) харьцаагаар хожоод байсан юм.

Ийнхүү дээд хүснэгтийн финалд Bleed Esports баг "The MongolZ"-той тоглохоор болов.

Өнөөдөр 15:15 цагаас Хятадын "Lynn Vision Gaming" болон Данийн "Gaimin Gladiators" багууд хэн нь тэмцээндээ үлдэхээ шийдэх бөгөөд тэдний хожсонтой ATOX Esports баг тоглоно.

Харин 18:30 цагаас Chinggis Warriors болон OG багууд шийдвэрлэх тоглолтыг хийнэ. Тэдний ялсан нь Оросын "Aurora Gaming" багтай маргааш тоглоно.