Эрчим хүчний дэд сайд С.Далхаасүрэн өнөөдөр мэдээлэл хийлээ. Энэ үеэр Улаанбаатар хотод хийж буй цахилгааны хязгаарлалт хэдий хүртэл үргэлжлэхийг тодруулахад,

ДЦС-4 болон Бөөрөлжүүтийн цахилгаан станцууд хэвийн ажиллаж байна. Эдгээр станцаас шалтгаалсан эрчим хүчний хязгаарлалт байхгүй гэж болно.

УБЦТС компаниас жилийн төлөвлөгөөт шугам тоноглол, засвар үйлчилгээний ажлыг энэ жил 3-р сарын 3-наас 10-р сарын 8-ныг хүртэлх хугацаанд хийхээр төлөвлөсний дагуу цахилгааны хязгаарлалт хийж эхлээд байна.

УБЦТС компани засвар үйлчилгээний төлөвлөгөөг сар сараар нь гаргаж, ирэх 6-р сар хүртэл цахилгааны хязгаарлалт хийх юм. Цахилгааны хязгаарлах хуваарийг өөрийн цахим хуудсаар дамжуулан хэрэглэгчдэд хүргэх болно.

Энэ бол ирэх өвлийн оргил ачааллыг давах ээлжит засварын ажил тул иргэд, ААН-үүд хүлээцтэй хандахыг хүсэж байна гэв.