Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
Авлигатай тэмцэх газраас Ази, Номхон далайн бүсийн хөрөнгө буцаах байгууллагуудын сүлжээ (ARIN-AP)-ний Удирдах зөвлөлийн хурал болон 10 дугаар Бүгд хурлыг /2025.09.23-25/-ны өдрүүдэд Улаанбаатар хотод хоёр дахь удаагаа зохион байгуулав.
Энэ удаагийн хуралдаан “Цахим хөрөнгийг буцаан авах ажиллагаа болон хөрөнгийн менежментийн эрх зүйн зохицуулалт” сэдвийн хүрээнд болжээ. Талууд цахим хөрөнгийг буцаан авахад хиймэл оюун ухаан ашиглах арга туршлага, яллахгүйгээр хөрөнгө хураах эрх зүйн зохицуулалт, бүс нутгийн хамтын ажиллагаа, хөрөнгийн менежментийн шинэ чиг хандлагын талаар хэлэлцсэн аж.
Хурлын үеэр Австрали, Тайланд, Малайз, Филиппин, Папуа Шинэ Гвиней, Энэтхэг, Фижи, Шинэ Зеландын төлөөлөгчид илтгэл тавьж, гурван салбар хаалттай хуралдаанаар нарийвчилсан хэлэлцүүлэг өрнүүлэв.
Авилга, мөнгө угаах, санхүүгийн гэмт хэрэг, терроризмын санхүүжилттэй тэмцэх дэлхий нийтийн хүчин чармайлтын нэг хэсэг болж буйг онцлоод, ARIN-AP сүлжээ нь улс орнуудын хууль сахиулах байгууллагуудын хамтын ажиллагааг гүнзгийрүүлэх, итгэлцэл бий болгох чухал гүүр болохыг Монгол Улсын Ерөнхий сайд Г.Занданшатар нээлтийн үеэр тодотгосон байна.
Авлигатай тэмцэх газрын дарга, тэргүүн комиссар З.Дашдаваа, хууль бус хөрөнгийн урсгал улам бүр цахим хэлбэрт шилжиж, виртуал хөрөнгө, криптовалютын гүйлгээ, хил дамнасан цахим шилжүүлэг хэлбэрээр тэлж байна.
Энэ нөхцөлд бид зөвхөн хууль, эрх зүйн арга хэрэгслээр хязгаарлагдахгүй шинэ технологи, ялангуяа хиймэл оюун ухааны боломжуудыг өргөнөөр ашиглах шаардлагатай болсон. Хиймэл оюун ухаан болон дэвшилтэт дижитал технологи нь хууль бус хөрөнгийн гүйлгээг илрүүлэх, санхүүгийн сэжигтэй урсгалыг мөрдөн шалгах, өгөгдөлд суурилсан дүн шинжилгээг түргэн шуурхай хийх шинэ гарц гэв.
Энэхүү олон улсын хуралд ARIN-AP-ын гишүүн орнуудын төлөөлөгчдөөс гадна хууль сахиулах, гэмт хэрэгтэй тэмцэх чиглэлээр ажилладаг бүс нутгийн болон олон улсын байгууллагууд, тэр дундаа НҮБ-ын Мансууруулах бодис, гэмт хэрэгтэй тэмцэх алба болон Ойрх дорнод, Хойд Африкийн хөрөнгө буцаах байгууллагуудын сүлжээний төлөөлөл оролцов.
Хурлын төгсгөлд оролцогчид бүс нутгийн нийтлэг сорилтуудыг хамтдаа шийдвэрлэх, дэвшилтэт технологид суурилсан хамтын ажиллагааг шинэ шатанд гаргахын чухлыг санал нэгтэйгээр илэрхийллээ.
Авлигатай тэмцэх газраас Ази, Номхон далайн бүсийн хөрөнгө буцаах байгууллагуудын сүлжээ (ARIN-AP)-ний Удирдах зөвлөлийн хурал болон 10 дугаар Бүгд хурлыг /2025.09.23-25/-ны өдрүүдэд Улаанбаатар хотод хоёр дахь удаагаа зохион байгуулав.
Энэ удаагийн хуралдаан “Цахим хөрөнгийг буцаан авах ажиллагаа болон хөрөнгийн менежментийн эрх зүйн зохицуулалт” сэдвийн хүрээнд болжээ. Талууд цахим хөрөнгийг буцаан авахад хиймэл оюун ухаан ашиглах арга туршлага, яллахгүйгээр хөрөнгө хураах эрх зүйн зохицуулалт, бүс нутгийн хамтын ажиллагаа, хөрөнгийн менежментийн шинэ чиг хандлагын талаар хэлэлцсэн аж.
Хурлын үеэр Австрали, Тайланд, Малайз, Филиппин, Папуа Шинэ Гвиней, Энэтхэг, Фижи, Шинэ Зеландын төлөөлөгчид илтгэл тавьж, гурван салбар хаалттай хуралдаанаар нарийвчилсан хэлэлцүүлэг өрнүүлэв.
Авилга, мөнгө угаах, санхүүгийн гэмт хэрэг, терроризмын санхүүжилттэй тэмцэх дэлхий нийтийн хүчин чармайлтын нэг хэсэг болж буйг онцлоод, ARIN-AP сүлжээ нь улс орнуудын хууль сахиулах байгууллагуудын хамтын ажиллагааг гүнзгийрүүлэх, итгэлцэл бий болгох чухал гүүр болохыг Монгол Улсын Ерөнхий сайд Г.Занданшатар нээлтийн үеэр тодотгосон байна.
Авлигатай тэмцэх газрын дарга, тэргүүн комиссар З.Дашдаваа, хууль бус хөрөнгийн урсгал улам бүр цахим хэлбэрт шилжиж, виртуал хөрөнгө, криптовалютын гүйлгээ, хил дамнасан цахим шилжүүлэг хэлбэрээр тэлж байна.
Энэ нөхцөлд бид зөвхөн хууль, эрх зүйн арга хэрэгслээр хязгаарлагдахгүй шинэ технологи, ялангуяа хиймэл оюун ухааны боломжуудыг өргөнөөр ашиглах шаардлагатай болсон. Хиймэл оюун ухаан болон дэвшилтэт дижитал технологи нь хууль бус хөрөнгийн гүйлгээг илрүүлэх, санхүүгийн сэжигтэй урсгалыг мөрдөн шалгах, өгөгдөлд суурилсан дүн шинжилгээг түргэн шуурхай хийх шинэ гарц гэв.
Энэхүү олон улсын хуралд ARIN-AP-ын гишүүн орнуудын төлөөлөгчдөөс гадна хууль сахиулах, гэмт хэрэгтэй тэмцэх чиглэлээр ажилладаг бүс нутгийн болон олон улсын байгууллагууд, тэр дундаа НҮБ-ын Мансууруулах бодис, гэмт хэрэгтэй тэмцэх алба болон Ойрх дорнод, Хойд Африкийн хөрөнгө буцаах байгууллагуудын сүлжээний төлөөлөл оролцов.
Хурлын төгсгөлд оролцогчид бүс нутгийн нийтлэг сорилтуудыг хамтдаа шийдвэрлэх, дэвшилтэт технологид суурилсан хамтын ажиллагааг шинэ шатанд гаргахын чухлыг санал нэгтэйгээр илэрхийллээ.