Их Британийн Ливерпүүл хотноо 2025 оны 9 дүгээр сарын 04–14-ний өдрүүдэд болсон Боксын дэлхийн аварга шалгаруулах тэмцээнд Монголын залуу тамирчин “Алдар” спорт хорооны боксчин Алдархишигийн Баттулга эрэгтэйчүүдийн 50 кг-ын жинд амжилттай оролцож мөнгөн медалийг эх орондоо авчирлаа.

Тэрээр финалын шатанд Бүгд Найрамдах Казахстан Улсын туршлагатай тамирчин Ташкенбойвт 5:0-ээр ялагдаж дэлхийн  аваргын мөнгөн медалийн эзэн боллоо. 

Манай боксчид эрэгтэйчүүдийн ДАШТ-ээс нийтдээ 1 алт, 5 мөнгө, 6 хүрэл медаль хүртэж байсан юм. 
Үүнд: 

АЛТАН МЕДАЛЬ

• ДАШТ~ий алтан медальт(1) П.Сэрдамба, Милан, 2009

МӨНГӨН МЕДАЛЬ

• Р.Отгонбаяр, Мюнхен, 1982
• Т.Үйтүмэн, Будапешт, 1997
• Э.Бадар-Ууган, Чикаго, 2007
• Н.Төгсцогт, Милан, 2009
• А.Баттулга, Ливерпүүл, 2025

ХҮРЭЛ МЕДАЛЬ  (5 боксчин, 6 медаль)

• Э.Цогтжаргал, Тампере, 1993
• У.Мөнх-Эрдэнэ, Милан, 2009 + Алматы, 2013
• П.Сэрдамба, Баку, 2011 
• Д.Отгондалай, Гамбург, 2017
• Э.Цэндбаатар, Екатеринбург, 2019

Эх сурвалж: Соёл, спорт, аялал жуулчлал, залуучуудын яам, Монголын Үндэсний Олимпын Хороо