Нийслэлийн Баянгол дүүргийн 24 дүгээр хороо гурилын үйлдвэрт гал гарч байна гэсэн дуудлага өнөөдөр буюу 10 дугаар сарын 09-ний өдрийн 05:03 цагт иржээ.

Дуудлагын дагуу Нийслэлийн хүрээний Гал түймэр унтраах, аврах 10, 14, 18, 30 дугаар ангийн 60 орчим алба хаагч, 20 орчим техник хэрэгсэлтэйгээр унтраах ажиллагааг зохион байгуулж, гал түймрийн тархалтыг 08:30 цагт зогсоож, бүрэн унтраахаар ажиллаж байна.

ОБЕГ-ын Гал түймэртэй тэмцэх газрын дарга, хурандаа Ц.Нямбаяр удирдлага, зохион байгуулалтаар ханган ажиллаж байгаа аж.

Эх сурвалж: ОБЕГ