Монгол Улс 2025 оны эхний зургаан сард нийт 145 улстай гадаад худалдаа хийж, нийт бараа эргэлт 12.1 тэрбус ам.долларт хүрчээ. Үүнээс экспорт 6.6, импорт 5.5 тэрбум ам.доллар байна. Гадаад худалдааны тэнцэл 1.1 тэрбум ам.долларын ашигтай гарч, өмнөх оны 1.5 тэрбум ам.доллар буюу 58.1 хувиар буурсан байна.

Нийт экспорт 1.3 сая ам.доллараар буурч, өмнөх оны мөн үеэс импорт 150 сая ам.доллараар өсжээ. БНХАУ-тай 2025 оны эхний зургаан сард 8.2 тэрбум ам.долларын худалдаа хийжээ. Энэ нь гадаад худалдааны нийт бараа эргэлтийн 67.3 хувийг эзэлж байна.

Экспортын 91.7 хувийг БНХАУ, 5.2 хувийг Швейцарь улс руу хийжээ. Импортын 22.2 тээврийн хэрэгсэл, тэдгээрийн эд анги, 20.6 хувийг хувийн машин, механик, тоног төхөөрөмж, 20.2 хувийг эрдэс бүтээгдэхүүн, 8.8 хувийг үндсэн төмөрлөгийн импорт тус тус эзэлж байна.
Импорт 150.1 сая ам.доллараар өсөхөд: 

• Суудлын автомашин 207.6 сая ам.доллар буюу 45.1 хувиар
• Тээврийн хэрэгслийн сэлбэг, эд анги 21.9 сая ам.доллар буюу 67.1 хувиар
• Ухаалаг гар утас 15 сая ам.доллар буюу 21.9 хувиар
• Согтууруулах ундаа 14.5 сая ам.доллар буюу 49.8 хувиар өссөн нь голлон нөлөөлжээ.