Засгийн газрын хуралдааны шийдвэрийг Засгийн газрын Хэвлэл мэдээллийн албаны дарга Н.Баасандамба танилцуулж байна.  

Тэрбээр, Ерөнхий сайд Г.Занданшатар томилогдсоныхоо дараа УИХ-ын индрээс иргэдийн амьдралын чанарыг сайжруулах, орлогод нийцсэн орон сууцны хүртээмжийг нэмэгдүүлэх зорилгоор Орон сууцжуулалтын тусгай банк байгуулна гэж зарласан.

Энэ бодлогын хүрээнд Засгийн газрын өнөөдрийн хуралдаанаар Орон сууцжуулалтын тусгай банк байгуулах санал боловсруулж, 8-р сарын 13-наас өмнө ЗГ-ын хуралдаанд танилцуулах үүрэг бүхий Ажлын хэсэг байгууллаа. Ажлын хэсгийг  ЭЗХ-ийн сайд Н.Учралаар ахлуулж, ЗГХЭГ-ын дарга С.Бямбацогт, Сангийн сайд Б.Жавхлан, Байгаль орчны сайд Б.Батбаатар, Гэр бүл, хөдөлмөр нийгмийн хамгааллын сайд Т.Аубакир нарын сайд нар болон бусад албаны хүмүүс ажлын хэсэгт багтаж байна.

Ингэснээр Орон сууцжуулалтын банк байгуулна гэсэн Ерөнхий сайдын бодлого ажил хэрэг болох эхлэл тавигдаж байна гэв.