УИХ-ын гишүүдийг Үндсэн хуулийн цэц, ТЕГ-аар шалгуулах, УИХ-ыг тараах эсэх асуудлаар Ард нийтийн санал асуулга явуулах санаачилгын тухай Ард нийтийн сонсгол зохион байгуулах хөдөлгөөн, Ард нийтийн санал асуулга зохион байгуулах хөдөлгөөнөөс мэдээлэл хийлээ. 

Хуульч Х.Бат-Ялалт "Үндсэн хуулийн цэц болон Тагнуулын ерөнхий газарт өргөдөл өгөхөөр зэхэж байна. "Төрийн эрх мэдлийг хууль бусаар авахаар санаархсан эсэхэд хяналт, шалгалт хийж холбогдох ажлаа хийгээч ээ" гэсэн агуулгатай.

Эвлэрүүлэх намын байгууллага нь түүхэндээ байхгүй эмгэнэл. Гэмт хэрэгтнүүдийг эвлэрүүлдэг, дархлагдсан хулгайч нарын хоорондоо зохицдог асуудал юм. Хууль үйлчилдэггүй. 

Цаашид УИХ, ЗГ, Ерөнхийлөгчид итгэл үзүүлэх үү, тараах шаардлагатай эсэхэд бүх нийтийн хэлэлцүүлэг өрнүүлж, санал асуулга авах шаардлагатай байна. Хуульд захирагддаггүй дарга нар бий болжээ. 1,7 сая ам.долларт гэмшихгүй ярьж байна шүү дээ. Багш нар ажил хаяад улсын сургууль, цэцэрлэг ажиллахгүй байхад "Цэцэрлэгтээ явлаа" гэж хүүхдийнхээ зургийг сошиалд оруулж биднийг даапаалж байна.

Төрийн эрх мэдлийг хууль бусаар авах гэмт хэрэг үйлдсэн хүмүүсийг шалгаж, эрүүгийн хариуцлага хүлээлгэх ёстой. Эвлэрүүлэх намын байгууллага нь түүхэндээ байхгүй эмгэнэл. Гэмт хэрэгтнүүдийг эвлэрүүлдэг, дархлагдсан хулгайч нарын хоорондоо зохицдог асуудал юм. Хууль үйлчилдэггүй. 

Ажлын хэсгийн таван хүнийг дархлагдсан 5 хүн гэж ойлгож байна. Гэмт хэрэгтнүүдийг шалгуулахын тулд албан тушаалаас нь түдгэлзүүлж хуулийн дагуу шалгавал нэг өөр. Нэг ёсондоо "Ухаа худгийнхныг, нүүрснийхэнтэй эвлэрүүлэх үйл ажиллагаа" гэж харж байна. Тиймээс уг асуудлыг үндэсний хэмжээнд бүх нийтийн санал асуулга явуулах шаардлагатай байна" гэлээ.