УИХ-ын чуулганы өнөөдрийн /2025:10:16/ үдээс хойших нэгдсэн хуралдаанаар УИХ-ын дарга Д.Амарбаясгаланг чөлөөлөх асуудлыг хэлэлцэж эхэллээ. Гишүүд чөлөөлөгдөх хүсэлтээ өгсөн даргаас асуулт асууж, хариулт авч байна.

УИХ-ын гишүүн Б.Бейсен, Монгол Улсын их хурал, Засгийн газар хямраад хүндрэлтэй байна. Энийг дагаад төрийн түшээдийн нэр хүнд их унаж байна. Өглөө би эмнэлгээр явлаа, “хулгайч нар дугаарлаж ор” гээд наад зах нь тэгж байна шүү дээ. Харамсалтай л байна.

МАН-ын даргын сонгуулиас бол УИХ-ын дарга, Ерөнхий сайд хоёрыг огцруулж байна. Ерөнхийлөгчийн айлчлалаар 6 гишүүн Энэтхэг рүү явсан. Гэтэл Ерөнхийлөгч гишүүдийг авч явж, улс төрийн найраа тохироо хийх гэж байна гэж хардсан. Тэнд ийм талын яриа нэг ч болоогүй. Үүнийг ариуцлагатайгаар хэлмээр байна.

Өвлийн хүйтэн ирлээ. Эмч, багш нар цалингаа нэмүүлнэ гэж өлсгөлөн зарлаж байна. Засгийн газраас цалин нэмэх шийдвэрээ танилцууллаа. Та УИХ-ын даргаар ажиллаж байгаагийн хувьд ийм хэмжээгээр нэмэх боломжтой гэж үзэж байна уу?

Д.Амарбаясгалан, Засгийн газраас өргөн барьсан цалин нэмэх төсөлд эмч, багш, үйлчилгээний ажилтнуудын цалинг төдийлэн хангалттай нэмж чадаагүй. Ирэх оны төсөв хэлэлцэж буй энэ үед УИХ-аас Ажлын хэсэг байгуулж, цалинг Засгийн газраас зорьсон түвшнээс ахиулж нэмэх боломжтой гэж харж байна гэв.