Өнөөдөр баруун болон төвийн нутгаар, цаашид ихэнх нутгаар цас орж, цасан шуурга шуурч, хүйтний эрч чангарахыг анхааруулж байна.

Тодруулбал 21-нд баруун болон төвийн нутгаар, 22-нд баруун, төвийн нутаг болон зүүн зүгийн нутгийн хойд хэсгээр, 23-нд нутгийн зүүн хагаст цас орж , цасан шуурга шуурна.

Салхи 21, 22-нд ихэнх нутгаар, 23-нд говь талын нутгаар, 24-нд зүүн зүгийн нутгаар секундэд 14-16 метр хүрч ширүүснэ.

21-нд баруун зүгийн нутгаар цаашдаа ихэнх нутгаар хүйтний эрч чангарч Дархадын хотгор, Хүрэн бэлчир, Идэр, Тэс, Хараа, Ерөө, Туул, Тэрэлж, Хэрлэн, Онон, Улз, Халх голын саваар шөнөдөө 33-38, өдөртөө 23-28 хэм, говийн бүс нутгийн өмнөд хэсгээр шөнөдөө 19-24, өдөртөө 9-14 хэм, бусад нутгаар шөнөдөө 26-31, өдөртөө 16-21 хэм хүйтэн байна гэж Ус цаг уур, орчны шинжилгээний газраас мэдээллээ.