Дөрөвдүгээр сарын 9, 10-ны өдрүүдэд зохиогдох "Coal Mongolia" хурлын талаарх товч танилцуулга:

“Монгол нүүрс” хурал нь нүүрсний салбарт хөрөнгө оруулагчдын олон улсын чуулга уулзалт бөгөөд жил ирэх бүр цар хүрээ нь өргөжин тэлж, нэр хүнд нь өсч байна. Чуулган нь Монгол Улсад хэрэгжүүлж буй нүүрсний хайгуул, олборлолт, боловсруулалтын төслүүдэд хөрөнгө оруулалт татах, байгаль орчинд ээлтэй, шинэ дэвшилтэд  техник, технологи нэвтрүүлэх, олон улсын харилцан үр ашигтай хамтын ажиллагааг хөгжүүлж Азийн бүс нутагт Монгол Улсын нүүрсний салбарын өрсөлдөх чадварыг нэмэгдүүлэх зорилготой.

Чуулганаас бий болох хүлээлт:

• Нүүрсний хайгуул, олборлолт, боловсруулалт, тээвэрлэлт, ханган нийлүүлэлтийн төслүүдэд хөрөнгө оруулалтын гэрээ, хэлцлүүд байгуулах
• Нүүрсний үйлдвэрлэл, экспортын хэмжээ нэмэгдэх
• Нүүрсийг гүн боловсруулах чиглэлээр тодорхой төслүүдийг эхлүүлэх
• Нүүрсний салбарын татвар, хууль эрхзүйн орчины өрсөлдөх чадвар дээшлэх
• Нүүрсний салбараас нийгэм-эдийн засагт үзүүлэх ач холбогдол нэмэгдэх
• “Монгол нүүрс” хурлын эмхтгэл гаргаж, бизнес эрхлэгчдийг мэдээллээр хангах

Хэн оролцох ёстой вэ?

• Засгийн газрын төлөөлөл
• Хайгуул, олборлолтын компаниуд
• Хөрөнгө оруулалтын сан, банк, санхүүгийн байгууллагууд
• Инженеринг, консалтингийн компаниуд
• Ханган нийлүүлэгчид
• Мэргэжлийн холбоод

Чуулганд оролцогчдын давуу тал

• Ашигтай гэрээ хэлэлцээрийг эхлүүлэх
• Томоохон компаниудтай ажил хэргийн холбоо тогтоох
• Бизнесээ өргөжүүлэх шинэ чиг хандлага, боломжуудыг олж харах
• Шинэ, дэвшилтэд техник, технологитой танилцах
• Монголын болон олон улсын засгийн төлөөлөлтэй уулзаж, санал бодлоо солилцох