Ерөнхий сайд Ч.Сайханбилэг, УИХ-ын дарга З.Энхболд, АН-ын бүлгийн дарга Б.Гарамгайбаатар нар мэдээлэл хийлээ.

Ерөнхий сайдын мэдэгдэл болон УИХ-ын даргын хаврын чуулганы нээлтийн үеэр хэлсэн Тавантолгойтой холбоотой асуудал өнөөдөр чухал сэдэв болсон.  

Зарчмын хувьд өөр, өөр байр суурь илэрхийлсэн учир УИХ дахь Ардчилсан намын бүлэг үдээс хойш хуралдсан байна.

Бүлгийн хуралдаанаар Тавантолгойн асуудлаар ажлын хэсэг байгуулах нь зүйтэй гэдэгт санал нэгдсэн байна.

Мөн УИХ-ын чуулганаар хэлэлцсэний дараагаар гэрээнд гарын үсэг зурах нь зүйтэй гэдэг шийдвэрт хүрсэн байна.

Ерөнхий сайд Ч.Сайханбилэг Тавантолгойн асуудлыг УИХ-аар хэлэлцэхдээ цаад хугацааг 14 хоногийн дотор шийдэж өгөөч гэдэг хүсэлтийг тавьсан байна.