“Эрдэнэс таван толгой” ХК-ийн захирлаар 2012 оноос хойш ажилласан Я.Батсуурийг хоёрдугаар сарын 26-наас хойш цагдан хорьж байна. Түүнийг хоёр долоо хоногийн хугацаатай цагдан хорино гэж байсан ч дахин хоёр сараар үргэлжлүүлэн хорих болсон юм.

Гэтэл түүний үүргийг түр орлон гүйцэтгэж байсан Б.Энхбат түр саатсан ч үргэлжлэхээр болсон Таван толгойн төслийн хэлэлцээрт оролцохоос татгалзан, үүрэгт ажлаасаа чөлөөлөгдөх хүсэлт гаргажээ. Түүний өргөдлийг “Эрдэнэс таван толгойн” ТУЗ-өөр хэлэлцэн, эцсийн шийдийг гаргана. Харин яагаад хамгийн эгзэгтэй мөчид өргөдөл гаргасан нь тодорхойгүй байна.  

Я.Батсуурь захирлыг цагдан хорьсон нь Япон, Хятадын томоохон компаниудтай хийж буй Таван толгойн хэлэлцээрт сөргөөр нөлөөлсөн гэж М.Энхсайхан сайд мэдэгдэж байв. Гэтэл бас нэг дарга нь өргөдлөө өгчихлөө.